Sýret: qaztourism.kz
Kelýshiler sany jóninen «Býrabaı» memlekettik ulttyq tabıǵı parki kósh bastap tur. Bıylǵy qańtar-tamyz aılary ishinde parkke 600 myńnan astam týrıst barǵan. Ulttyq parkti qaraǵaıly ormandardyń, jartastar men kólderdiń biregeı úılesimine baılanysty «Qazaqstannyń Shveısarııasy» dep ataıdy. Býrabaı – otbasylyq, saýyqtyrý týrızmine, belsendi demalys túrlerine arnalǵan tanymal baǵyttardyń biri.
Ekinshi oryndy Almaty qalasyna jaqyn ornalasqan Ile-Alataý ulttyq parki ıelendi. Jyl basynan beri onyń tabıǵı landshafttaryn 507 541 týrıst tamashalady. Park aýmaǵy flora men faýnanyń alýan túrliligimen, taýdaǵy baǵyttarymen erekshelenedi, ekotýrızm boıynsha suranysqa ıe oryndardyń biri.
Úshtikti Almaty oblysyndaǵy «Kólsaı kólderi» ulttyq parki túıindeıdi. Bul ǵajaıyp mekendi 350 myńnan astam adam aralaǵan. Onyń aýmaǵyndaǵy Kólsaı men Qaıyńdy kólderi – parktiń basty tabıǵı nysandary.
Týrısterdiń sany jóninen Sharyn, Baıanaýyl ulttyq parkteri bestikke kiredi. Almaty oblysynda ornalasqan Sharyn shatqaly kópshilik arasynda keńinen tanymal. Oǵan fototýrızm, etnoekspedısııalarmen aınalysatyn saıahatshylar jıi barady.
Pavlodar oblysynda ornalasqan Baıanaýyl – elimiz aýmaǵynda qurylǵan alǵashqy ulttyq park. Bul óńir jumsaq klımatymen, taýly landshafttarmen, kórkem kólderimen erekshelenedi.
