Búrkit toıyna kelgender teńge ilý, jamby atý syndy ulttyq sport túrinen de saıysqa tústi. Qyryqqa jýyq kıiz úı tigilip, qazan kóterildi. Aq dastarhan jaıyldy.
Qusbegiler jarys sharty boıynsha baptaǵan qyrandaryn qolǵa shaqyrdy, shyrǵaǵa saldy. Odan iriktelgenderi qoıanǵa tústi.
Qolóner sheberleriniń kórmesi de ótti.
Bozanbaıdyń jelke tusyndaǵy Búrkit tóbege jınalǵan jurt máre-sáre, arqa-jarqa.
Oblys basshysy Nurymbet Saqtaǵanovpen birge Týrızm jáne sport mınıstri Erbol Myrzabosynov ta keldi. «Qusbegilik» federasııasynyń vıse-prezıdentteri Baǵdat Múptekeqyzy men Janjigit Omarhan da osy ortadan tabyldy.
Taqymdy jigitter asaýǵa quryq salyp ta baq synasqan.
Jınalǵan jurtshylyqqa qazaq estradasynyń tanymal juldyzdary Kenjebek Janábilov, Dosymjan Tanatarov syndy ánshiler men «Alataý serileri» toby ánnen shashý shaty.
Festıval qorytyndysy boıynsha ıtelgi saıysynan Aqmoladan at arytyp kelgen Erlan Kenjetaev jeńiske jetse, qarshyǵa jáne búrkit saıystarynda Almatydan kelgen О́mirhan Baetbaı birinshi oryndy qanjyǵaǵa basty. Júldegerlerdiń barlyǵy aqshalaı syılyqqa ıe boldy.
Shyǵys Qazaqstan oblysy
