Foto: gov.kz
Zań jobasynda jeke profılaktıkaǵa erekshe mán berilip otyr. Quqyq buzýshylyqty erte anyqtaý jáne aldyn alý úshin qosymsha jeke sharalar engiziledi.
Bul qatarda resmı eskertýler, sıfrlyq otbasy kartasy arqyly jeke tulǵalardy tirkeý, kámeletke tolmaǵandarǵa tárbıelik qoldaý kórsetý jáne yqtımal qurbandarmen baılanysqa tyıym salý sharalary bar.
Mundaı qadamdar qaýipke der kezinde den qoıýǵa jáne buzýshylyqtardyń qaıtalanýyn boldyrmaýǵa múmkindik beredi. Jeke aldyn alý sharalary qoldanylatyn quqyq buzýshylyq jasaýǵa beıim tulǵalardyń tizimi keńeıtiledi. Quqyq buzýshylyq jasaý yqtımaldyǵy joıylǵanǵa deıin «qasaqana quqyq buzýshylarǵa» qatań profılaktıkalyq sharalar qoldanylady. Sonymen qatar bas bostandyǵynan aıyrý oryndarynan bosatylǵan barlyq tulǵalarǵa ákimshilik qadaǵalaý engiziledi. (qazirgi ýaqytta bul tek pedofılderge, lańkesterge jáne qaıtalap qylmys jasaǵandarǵa qatysty).
Bul shara olardyń áleýmettik normalar men ońaltý sharttaryn saqtaýyn baqylaýǵa múmkindik berip, áleýmettik ońaltý olardyń durys jolǵa túsýine kómektesedi.
