Kórmege sýretshiniń 40 jyldyq shyǵarmashylyq ǵumyrynyń ártúrli kezeńin qamtıtyn 100-den astam týyndy qoıylǵan.
Qýandyq Mádir – «Talbesik», «Jyr-Jaıyq», «Boıtumar» (II tom), «Sýret salýdyń negizgi zańdylyqtary men erejeleri», «Natıýrmort salý joldary», «Adam basy anatomııasyn beıneleý jáne óner tarıhy» kitaptary men oqý quraldarynyń, 2010 jyly úsh tilde jaryq kórgen «Jazıra-Jaıyq» «Batys Qazaqstan sýretshileri» albomy men 100-den astam ǵylymı maqala, jınaq-katalogtardyń avtory. Onyń shyǵarmalary elimizdegi mýzeı qorlarynda, alys-jaqyn sheteldegi jeke kolleksııalarda saqtalyp, keıbir eńbegi «Qazaqstan beıneleý óneri» V (bes) tomdyǵyna, túrkitildes 17 memlekettiń 240 qylqalam sheberiniń shyǵarmasy toptastyrylǵan «Ulyq Ulys – Altyn Orda», «TURAN» romantızmi qostomdyǵyna engen.
Kórmeniń ashylý saltanatyna jergilikti sýretshiler, mádenıet jáne óner salasynyń qyzmetkerleri, stýdentter qatysty. Shara ústinde QR Sýretshiler Odaǵy BQO fılıalynyń tóraǵasy Ashat Ábdeshev mereıtoı ıesin «QR Sýretshiler Odaǵyna 90 jyl» estelik medalimen jáne alǵys hatpen marapattady.
Batys Qazaqstan oblysy
