«AIFC Court Moot» – aǵylshynnyń jalpy quqyq dástúrine negizdelgen, stýdentter arasynda ótetin sot prosesi úlgisindegi baıqaý. Is-shara uıymdastyrýshylary jyl saıyn Qazaqstan men Eýrazııa óńiriniń daryndy stýdentterin jınap, bolashaq zańgerlerdiń AHQO Soty sýdıalarynyń aldynda óz bilimderi men daǵdylaryn kórsetýine múmkindik týǵyzady. Iаǵnı, baıqaý aıasynda stýdentterden quralǵan toptar oıdan shyǵarylǵan is boıynsha óz dálelderin (jazbasha jáne aýyzsha) daıyndap, bolashaq zańgerler zańdy taldaý, quqyqtyq ustanymdardy qalyptastyrý jáne kópshilik aldynda sóıleý daǵdylaryn jetildirip, AHQO Sotynyń aǵa sýdıalarynyń aldynda jumystaryn qorǵaıdy.
Bıylǵy baıqaýdyń fınalyna aldyńǵy kezeńderde kórsetken jaqsy nátıjeleri boıynsha iriktelgen Maqsut Nárikbaev Ýnıversıteti (Astana, Qazaqstan) men Shyǵys Qytaı Saıası ǵylymdar jáne quqyq ýnıversıtetiniń (Shanhaı, Qytaı) stýdentteri ótti. Fınaldy AHQO Sotynyń tóraǵasy Meldon Lordy Bernett jáne AHQO Sotynyń basqa da aǵa sýdıalary baǵalady.
AHQO jáne HTO sotynyń tirkeýshisi jáne apparat basshysy Krıstofer Kempbell-Holt: «Biz AHQO Soty stýdenttik sot prosesi baıqaýy segiz jyl qatarynan ótkizilip, qatysýshy ýnıversıtetterdiń oqý baǵdarlamasynyń ajyramas bóligine aınalǵanyn maqtan tutamyz. Osyndaı baıqaýlardy ótkizý arqyly biz zańger stýdentterge naqty sot isterinde klıentterdiń múddelerin qorǵaý úshin advokattardan talap etiletin jalpy sot jaǵdaıynda aýyzsha advokatýra mashyqtaryn úırenýge jáne qoldanýǵa biregeı múmkindik beremiz. Stýdentterdiń deńgeıi jyl saıyn joǵarylap keledi. Biz Eýrazııadaǵy tańdaýly halyqaralyq kommersııalyq sot retinde negizgi seriktesterimizben jáne zań qaýymdastyǵymen tyǵyz qarym-qatynas qalyptastyrýdy jalǵastyryp kele jatqandyqtan, bul stýdentter úshin de, bizdiń sot úshin de mańyzdy jarys», deıdi.
Jeńimpazdar kýbogy Shyǵys Qytaı Saıası ǵylymdar jáne quqyq ýnıversıtetiniń (Shanhaı, Qytaı) stýdentterine berildi, al sońǵy týrǵa ótken barlyq stýdentter AHQO jáne HTO Sotynda taǵylymdamadan ótý múmkindigine ıe boldy.
2018 jyldan beri AHQO Sotynyń stýdenttik sot prosesi baıqaýy Qazaqstan men Eýrazııa óńirindegi quqyq salasyndaǵy daryndy jastardy qoldaıtyn mańyzdy alańǵa aınaldy. AHQO Soty men Halyqaralyq tórelik ortalyǵynyń (HTO) trenıng ortalyǵynyń bilim berý baǵdarlamalary arqyly 4500-den astam adam quqyq ústemdigi men halyqaralyq kommersııalyq daýlardy sheshý qaǵıdalary boıynsha tegin bilim aldy. Sondaı-aq, 220-dan astam stýdent AHQO Soty men HTO-da taǵylymdamadan ótti.
Jyl saıyn Qazaqstan men Eýrazııa óńirinen júzdegen stýdent AHQO Soty men HTO uıymdastyratyn sot, arbıtraj jáne medıasııa prosesteriniń baıqaýlaryna qatysady. Bul baıqaýlar óńirdegi iskerlik jáne zań qaýymdastyǵyn damýyna úles qosyp, AHQO Soty men HTO-ny halyqaralyq kommersııalyq daýlardy sheshýdegi jetekshi ınstıtýttar retinde bedelin arttyrady. Sonymen qatar bul baıqaýlar jas jáne tájirıbeli zańgerlerge ınvestorlardyń quqyqtaryn tıimdi qorǵaý úshin mańyzdy daǵdylardy damytýǵa kómektesedi. Mamandar atalǵan is-shara Qazaqstanǵa sheteldik ınvestısııalardy tartýǵa jáne eldiń sot júıesinde quqyqtyq qaýipsizdik pen ınvestorlardyń senimin qamtamasyz etýge yqpal etetinin de aıtady.
