Foto: Olga Ibraeva. Orda.kz
Sý mekemesindegi sharýamyzdy tyndyryp alǵan soń, Dala ólkesi tarıhy murajaıyna kirgenbiz. Mýzeı zalyn aralap júr edik, Gorbachev taǵy aldymyzdan shyqty. Biraq fotosýreti biz oılaǵan kisinikine uqsamaıdy. Muny baıqaǵan mýzeı mamany: «Jerlesimizdi kóbi KSRO-nyń alǵashqy jáne sońǵy prezıdenti Mıhaıl Gorbachevpen shatastyryp jatady. Al, shyn mánisinde, Vasılıı Gorbachev – ótken ǵasyrdyń 60-jyldary Arqalyq aýdandyq atqarý komıtetin basqarǵan kisi. 1966 jyly borandy kúni eki balany ajaldan aman alyp qalypty. Endi basshy bolǵan soń, aýyl-aýyldy aralaıdy ǵoı. Sondaı bir saparynda qoıshy aýyldan eki balany demalystan qaladaǵy oqýyna ala ketedi. О́zi, júrgizýshisi, eki bala bar, jolda kólikteri buzylyp qalady. Aıdala, saqyldaǵan sary aıaz, aqtútek boran. Sodan aýdan basshysy júrgizýshini kólikte qaldyryp, eki balany ertip kómek alyp kelý úshin jolǵa jaıaý shyǵady. Abyroı bolǵanda, aldarynan úlken maıa kezdesip, ábden tońyp, qaljyraǵan eki balany jyly shóptiń ishine jasyrady da, «Osy jerde jata turyńdar. Birazdan soń, kólikpen kelip alyp ketemin», dep ári qaraı ózi jalǵyz ketedi. Alaıda sát saıyn jyn soqqandaı qutyryp órshı túsken aq tútek boranda jol taba almaı adasyp ketedi. О́zi de balalardyń qasynda, jyly shópti panalap, borannyń basylýyn kútýine bolar edi. Alaıda arly azamat kólikte qalǵan júrgizýshi úsip qalmasa eken dep oılaǵan sııaqty. О́zi qaza bolǵanmen, qoıshynyń eki balasyn ajaldan aman alyp qaldy. Keıin ol kisiniń esimin el esinde saqtaý úshin Arqalyq turǵyndary bir kóshege Vasılıı Gorbachevtiń esimin berdi. Bul kósheniń tarıhy osyndaı», dedi.
Qostanaı oblysy
