Kollajdy jasaǵan – Amangeldi Qııas, «EQ»
Mınıstrdiń aıtýynsha, Prezıdenttiń tapsyrmasy boıynsha Úkimet aǵymdaǵy ekonomıkalyq reformalar aıasynda birqatar sharalar ázirledi. Sonyń ishinde salyqtyq ákimshilendirý boıynsha ońaılatylǵan deklarasııa negizindegi arnaıy salyq rejımin qoldaý úshin tek 44 qyzmet túri ǵana tyıym salynǵan tizimde qaldyryldy.
Sondaı-aq 2026 jylǵy 1 qańtardan bastap salyqtyq ákimshilendirý «taza paraqtan» júrgiziledi. Bul mıkro jáne shaǵyn bızneske qatysty kelesi jaıttardy kózdeıdi: kameraldyq baqylaý alynyp tastalady, salyqtyq tekserýler júrgizilmeıdi, sot organdaryna tirkeýdi, qaıta tirkeýdi jaramsyz dep taný týraly talap-aryz berý toqtatylady.
«Salyqtar men tólemder boıynsha salynǵan ósimpuldar men aıyppuldar 2026 jyldyń 1 sáýirine deıin negizgi qaryz ótelgen jaǵdaıda joıylady. QQS boıynsha esepke qoıý sheginen asyp ketken salyq tóleýshiler ákimshilik jaýapkershilikke tartylmaıdy. Sondaı-aq salyq tóleýshiler úshin salyq jáne ádilet organdarynda kameraldyq jáne salyqtyq tekserýler júrgizbeı-aq, ońaılatylǵan tártippen esepten shyǵarý naýqany ótkiziledi», dedi QR qarjy mınıstri.
Onyń sózinshe, bul jańa Salyq kodeksin kezeń-kezeńimen engizýge jáne salyq tóleýshiler úshin salyqtyq ákimshilendirýdi jeńildetýge múmkindik beredi.
