Baspasóz konferensııasyna TJM qutqarýshysy, órt sóndirýshisi, súńgýiri, kınology, Apattar medısınasy ortalyǵynyń medısına qyzmetkeri men «Qazavıaqutqarý» AQ ushqyshy da qatysty.
Kegen Tursynbaevtyń habarlaýynsha, bıyl TJM qutqarý qyzmetiniń 30 jyldyǵyn atap ótýde, bul qurylym erlik, óz mindetine adaldyq jáne joǵary kásibılik sımvolyna aınaldy.
Otyz jylda qyzmet aıtarlyqtaı damyp, jetistikterge jetti. Reformalar men synaqtarǵa qaramastan, qutqarýshylar árdaıym sheshýshi sátterde aldyńǵy qatarda boldy.
Bul kezeńde shamamen mıllıonǵa jýyq zardap shekken adamǵa kómek kórsetilip, jarty mıllıonnan astam tótenshe jaǵdaı joıyldy. Iri jáne aýqymdy tótenshe jaǵdaılar joıyldy, atap aıtqanda Qostanaı men Abaı oblysyndaǵy orman órtteri, kómir shahtalaryndaǵy tehnogendik apattar, aýqymdy sý tasqyndary, sondaı-aq Ázerbaıjandyq ushaq apaty kezinde azamattardy qutqarý.
TJM bólimsheleri halyqaralyq jattyǵýlarǵa, gýmanıtarlyq jáne avarııalyq-qutqarý operasııalaryna qatysty. Mysaly Túrkııa, Aýǵanstan jáne Qyrǵyzstandaǵy órtterdi, jer silkinisterin jáne sel apattaryn joıýǵa qatysty. Shetel memleketterine 49 ret gýmanıtarlyq kómek kórsetildi.
Búgingi tańda TJM zamanaýı kópsalaly qurylym, oǵan órt sóndirý jáne qutqarý bólimsheleri, áskerı qyzmetshiler, medısına qyzmetkerleri, avıasııa men teńiz qyzmeti, oqý ortalyqtary, ǵylymı ınstıtýttar, sondaı-aq kadrlardy daıarlaý ortalyǵy Málik Ǵabdýllın atyndaǵy Azamattyq qorǵaý akademııasy kiredi
Basqarý organdary men jedel qyzmetter aıtarlyqtaı modernızasııadan ótti, barlyq deńgeıde ózara árekettesý algorıtmderi jańartyldy. Bul sharalar apattar men tabıǵı qaterlerdiń saldaryn azaıtyp, áreket etý tıimdiligin arttyrdy. Mysaly bıyl sý basqan eldi mekender sany 95%-ǵa azaıdy.
Sıfrlandyrý men qaýip-qaterlerdi boljaýǵa úlken nazar aýdarylýda. Geoaqparattyq jáne spýtnıktik júıeler belsendi túrde engizilýde, tabıǵı qaterlerdi taldaý úshin jasandy ıntellekt qoldanylýda, sondaı-aq qaýipti aımaqtardyń sıfrlyq kartalary ázirlenýde.
Ahýaldyq taldaý ortalyqtary men azamattyq qorǵaý kúshterin basqarýdyń avtomattandyrylǵan júıeleri quryldy. Qulaqtandyrý júıesindegi sıfrlyq transformasııa aıaqtalyp, eskirgen sheshimderdiń ornyna zamanaýı platformalar engizildi.
О́ńirlerde satylaı basqarý júıesi qalyptastyrylyp, bytyrańqy qurylymnan Biryńǵaı basqarý prınsıpine kóshý júzege asyryldy. Reforma sheńberinde aýmaqtyq bólimshelermen vedomstvolyq baǵynysty mekemeler biriktirildi, bul resýrstardy ortalyqtandyryp, jergilikti jerlerdegi qyzmetti basqarýdy jeńildetti. Atalǵan qadamdar jumyldyrý men jedel áreket etýdi arttyrýǵa jáne azamattyq qorǵaý salasyndaǵy basqarý satysyn kúsheıtýge baǵyttalǵan bolatyn.
Kezeń-kezeńimen órt sóndirýshiler, qutqarýshylar men medısına qyzmetkerlerin biriktiretin ámbebap qutqarý keshenderi qurylyp jatyr. Bul bólimsheler qazir Aqmola, Pavlodar, Qaraǵandy, Jambyl oblystarynda jumys istep, keshendi kómek kórsetý tıimdiligin kórsetip otyr.
Shymkent jáne Aqtóbe qalalarynda tótenshe jaǵdaılarǵa jedel áreket etý úshin avıajasaqtar quryldy. Bolashaqta mundaı bólimsheler barlyq óńirlerde paıda bolady. Bul kómek tek ýaqytynda ǵana emes, barlyq jerde qoljetimdi bolýyn qamtamasyz etýge de baǵyttalǵan qadam.
Aýyldyq okrýgterde «Aýyl qutqarýshylary» vedomstvolyq baǵdarlamasy iske asyrylýda. Shaǵyn aýyldardyń myńdaǵan turǵynyn qorǵaıtyn 82 jańa órt sóndirý pýnkti ashyldy. Eriktilerge tehnıkalyq qoldaý kórsetilip, baılanys quraldary beriledi.
Tótenshe jaǵdaılardy joıýdaǵy negizgi rezerv TJM azamattyq qorǵanys áskerı bólimderi bolyp tabylady. Jumyldyrý daıyndyǵy men jedeldikti arttyrý maqsatynda Almaty, Oral, О́skemen jáne Qostanaıda qutqarý batalondary quryldy.
Tabıǵı qaýipterge, onyń ishinde qar kóshkini men sel prosesterine monıtorıng júrgizý júıesin damytýǵa erekshe nazar aýdarylýda. Alataý taýlarynda zamanaýı gıdro-seısmıkalyq beketter ornatyldy.
Sonymen qatar Seısmologııalyq ǵylymı baza jetildirilýde, onyń jabdyqtary jańartylyp, Qazaqstan-Qytaı seısmologııa ortalyǵyn qurý týraly memorandýmǵa qol qoıyldy.
Almatyqalasynda jer silkinisi bolǵan kezde zardap shekkenderdi qabyldap ornalastyrý jáne qutqarý operasııalaryn úılestirý úshin «Alataý» Ońtústik bazasy quryldy.
Memleket basshysynyń tapsyrmasyna sáıkes Úkimettiń qoldaýymen sońǵy eki jylda TJM materıaldyq-tehnıkalyq bazasy aıtarlyqtaı nyǵaıtyldy.
800-den astam birlik tehnıka jáne 20 myńnan astam quraldar men jabdyqtar, alǵash ret ushaqtar men basqa da áýe kemeleri satyp alynyp, 25 órt sóndirý deposy men qutqarý stansııalary salyndy.
Byltyrdan beri tez, únemdi ári sapaly qaǵıdatymen obektiler salynyp jatyr. Osyndaı keshenderdiń qurylysy 3,5 aıdyń ishinde Astana, Atyraý jáne Semeı qalalarynda boı kóterdi.
«Taza Qazaqstan» konsepsııasyn iske asyrý sheńberinde barlyq qalalyq jáne aýdandyq bólimshelerdiń aýmaqtaryn kógaldandyrý jumystary júrgizilip jatyr.
Ergonomıka men qorǵaý standarttaryna saı órt sóndirýshiler men qutqarýshylardyń zamanaýı jańa nysandy kıim-keshekteri engizildi.
TJM halyq qaýipsizdigi mádenıetin qalyptastyrýǵa úlken mán beredi. Árbir adam tótenshe jaǵdaı kezinde áreket etý daǵdylaryn bilýi tıis. Bul adamnyń jeke basy men qoǵamdyq qaýipsizdiktiń negizi bolyp tabylady.
Sondyqtan elimizde jyl saıyn turǵyndar men uıymdardy qatystyra otyryp 80 myńnan astam oqý-jattyǵý ótkiziledi.
Oqý-jattyǵýlardyń jańa formattary engizilýde. Tikushaq tehnıkasyn tartý arqyly órt-taktıkalyq jattyǵýlar uıymdastyryldy.
Bıyl teńiz jasaǵy Kaspıı teńizindegi munaı tógilý saldaryn joıýdyń respýblıkalyq oqý-jattyǵýyn alǵash ret uıymdastyryp ótkizdi. Bul bólimshe elimizdiń sý aıdyndaryndaǵy qaýipsizdikti júzege asyrýda sheshýshi ról atqarady.
О́nerkásiptik qaýipsizdikti qadaǵalaý máselesi de aıryqsha mánge ıe.
Prezıdenttiń tapsyrmasyna oraı kómir kásiporyndaryna aýqymdy revızııa júrgizilip, ónerkásiptik qaýipsizdik talaptarynyń 2 myńnan astam buzýshylyǵy anyqtaldy, 60-tan astam obektiniń jumysy toqtatyldy
2026 jyldan bastap ónerkásiptik qaýipsizdikti baqylaýdyń jańa júıesi kúshine enedi (barlyq qaýipti óndiristik obektiler bir jumys kúni buryn eskertý arqyly tekserilýge jatady).
Qazirgi zamanǵy qaýipterdi eskere otyryp, memlekettik materıaldyq rezervti tıimdi ázirleýdiń jańa mehanızmderi engizildi. Ony esepke alý men tolyqtyryp otyrý óńirlerdiń qajettilikterine jáne kez kelgen jaǵdaıda halyqty jedel qoldaýǵa baǵyttalǵan.
Bıyl «Azamattyq qorǵaý týraly» Zańǵa eleýli ózgerister engizildi. О́nerkásiptik, órt, seısmıkalyq qaýipsizdik talaptary men jekelegen qurylys normalary kúsheıtildi. О́rtten saqtandyrý mehanızmi engizilip jatyr.
Biz qutqarýshylardyń áleýmettik jaǵdaıyn jaqsartýǵa qoldaý kórsetemiz.
Prezıdenttiń tapsyrmasy boıynsha Zań sheńberinde turǵyn úı tólemderi, qyzmetkerler men olardyń otbasy múshelerine kóterme járdemaqylar, tótenshe jaǵdaılar kezindegi mindetterdi oryndaǵany úshin qosymsha aqylar belgilenip, saýyqtyrý-kýrorttyq em alý taǵaıyndaldy. Sońǵy eki jylda qyzmetkerlerdiń jalaqysy aıtarlyqtaı ósti.
«Salaýatty ult – myqty Qazaqstan» bastamasy aıasynda qutqarýshylar men jas urpaqty biriktiretin «BATYR TEAM» sport klýby jumys isteıdi. Bul klýb jastardyń boıynda tózimdilik, tártip pen patrıotızm sezimin damytady. Jaqynda qyzmetimizdiń mereıtoıyna oraı jekpe-jekten álem chempıonaty ótti. Halyqaralyq arenada órt sóndirý-qutqarý sportynan aıtarlyqtaı jetistikterimiz bar.
Kún saıyn órt sóndirýshiler, qutqarýshylar, dárigerler, kınologtar, súńgýirler, áskerı qyzmetshiler, ushqyshtar, ǵalymdar, órt sóndirý jáne ónerkásiptik qaýipsizdik ınspektorlary men seısmologtardan turatyn 30 myń qyzmetker azamattardyń qaýipsizdigin saqtaýda adal qyzmet etedi.
