Taraz qalasy ákimdiginiń málimetinshe, satyp alynǵan avtobýstardyń 14-i №50 marshrýtqa qyzmet kórsetedi. Bul marshrýt Baızaq aýdanyna qarasty Sarykemer aýylynan bastalyp, «Aýyl-Bereke» bazary, Tóle bı, Jambyl dańǵyldary, Súleımenov, Turysov, Shostakovıch jáne B. Momyshuly kóshelerin qamtıdy. Avtobýstardyń qozǵalys jıiligi – 13 mınýt.
Al qalǵan 10 avtobýs №3 marshrýtqa baǵyttalǵan. Bul marshrýt Shaıqoryq, Tanty alaptarynan bastalyp, «Uly Dala» shaǵynaýdany, Súleımenov, Jeltoqsan, Tóle bı, B. Momyshuly, Shostakovıch, Sańyraq batyr kóshelerin qamtı otyryp, «Araı», «Araı-2» shaǵynaýdandary men «Báıterek» shaǵynaýdanyndaǵy qalalyq jáne oblystyq balalar aýrýhanasyna deıin qatynaıdy. Bul baǵytta avtobýstar ár 12 mınýt saıyn júredi.
Qazirgi tańda qalalyq jolaýshylar tasymalyna 8 mekeme qyzmet kórsetip otyr. Qosymsha baǵyttar ashý nátıjesinde marshrýttar sany 43-ten 45-ke deıin artty. Qaladaǵy jyljymaly quram sany 492 avtobýsqa jetti.
