Foto: istockphoto.com
Atap aıtqanda, Astana Hub halyqaralyq IT-startaptar tehnoparki óńirlik ınnovasııalyq jáne kásipkerlik ortalyq retinde nyǵaıtylatyn bolady. Qarjy, Ulttyq ekonomıka, Jasandy ıntellekt jáne sıfrlyq damý mınıstrlikterine 2025 jylǵy 10 qarashaǵa deıin atalǵan tehnopark qyzmetiniń basym baǵyttaryn keńeıtý tapsyryldy. Jańa tizimge mýltımedıa, oıyn dızaıny, baǵdarlamalyq qamtamasyz etýdi túrlendirý jáne kıbersport salalary engiziledi. Sondaı-aq sheteldik kompanııalarǵa arnalǵan bıznes-prosester aýtsorsıngi men aǵylshyn tilin oqytý qyzmetteri de qosylady. Budan basqa, atalǵan tizbe QR rezıdenti emesterge baǵdarlamalyq qamtýdy paıdalana otyryp, bıznes-prosester aýtsorsıngi, aǵylshyn tilin oqytý sııaqty qyzmettermen tolyqtyryldy. Qyzmetter aıasyn keńeıtý Astana Hub-tyń jahandyq tehnologııalyq qoǵamdastyqty tartý ortalyǵy retindegi ustanymyn kúsheıte túsedi.
Sonymen qatar, barlyq memlekettik mobıldi servıster SuperApp qaǵıdaty boıynsha eGov jáne Aitu platformalaryna biriktiriledi. Bul qadam ár vedomstvonyń jeke qosymshalaryn qysqartyp, azamattar úshin yńǵaıly ári qaýipsiz sıfrlyq keńistik qalyptastyrýǵa múmkindik beredi.
Al Alem.cloud ulttyq sýperkompıýterlik ortalyǵynda esepteý resýrstaryn bólý erejeleri bekitiledi. Bul ereje Astana Hub startaptary, ǵylymı uıymdar, ýnıversıtetter jáne jeke sektor úshin joǵary ónimdi esepteý qýattaryn ádil bólýge jaǵdaı jasaıdy.
Alem.cloud ınfraqurylymy jasandy ıntellekt tehnologııalaryn damytýǵa baǵyttalady jáne bilim berý, medısına, aýyl sharýashylyǵy, energetıka, geologııalyq barlaý, kólik, logıstıka jáne ónerkásip sııaqty mańyzdy salalarda qoldanylady.
