Bul bas qosýǵa «Kazakh Tourism» ulttyq kompanııasy, Air Astana áýe kompanııasy men Almaty qalasynyń Týrızm basqarmasy uıytqy boldy.
Japonııa seriktesteriniń osynaý is sapary eki el arasyndaǵy týrıstik ári iskerlik seriktestikti nyǵaıtý jolyndaǵy mańyzdy qadam bolmaq.
Kezdesýge mádenı, tabıǵı, premıým jáne MICE baǵyttarynda jumys isteıtin Tokıonyń 10 iri týroperatory qatysty. B2B formatyndaǵy kezdesý barysynda taraptar birlesken baǵdarlamalardy júzege asyrý, týrıstik ónimderdi damytý men Almatyny «japon saıahatshylary úshin shyǵystyń baýrap alatyn jańa ortalyǵy» retinde qalyptastyrý múmkindikterin talqylady.
Tıan-Shan taýlary, Shymbulaq kýrorty, Sharyn shatqaly syndy Almatynyń tabıǵı kórikti jerleri men dástúrli gastronomııalyq baǵyttarǵa qonaqtar erekshe qyzyǵýshylyq tanytty.
Almaty-Tokıo tikeleı reısiniń 2026 jyly naýryz aıynda ashylýy Qazaqstan men Japonııa arasyndaǵy baılanysty damytýdyń mańyzdy kezeńi bolmaq. Bul baǵyt eki el arasyndaǵy sapardy jeńildetip, týrısterdiń saıahattaýyna tyń serpin beredi. Aldyn ala boljam boıynsha áýe reısi iske qosylǵan alǵashqy jyly Japonııadan 5-7 myńǵa deıin týrıst kelýi múmkin.
«Japonııa – Qazaqstan úshin strategııalyq mańyzdy naryq. Bul sapar men bolashaq Air Astana reısi eki el arasyndaǵy ózara yntymaqtastyq pen qyzyǵýshylyqty jańa deńgeıge kóteredi», – dedi Almaty qalasy Týrızm basqarmasynyń ókilderi.
