Qazannyń 23-i kúni tańerteń Bórli aýdanynyń ortalyǵy Aqsaı qalasynyń irgesinde turǵan Qyzyltal aýyly mańynda aspannan belgisiz nárse qulaǵany jóninde foto-beıne aqparattar tarady.
«Aqsaıda Qyzyltalǵa dron túsip, jarylys boldy, tolqynymen úılerdi kishkene shaıqady» deıdi belgisiz adam. Beınejazbada birneshe kólik, áskerı kıimdi adamdar kórinedi. Osy beınejazbamen birge taralǵan fotosýretterde dronnyń qanaty men motoryna uqsas kúıgen bólshekter beınelengen.
«Batys Qazaqstan oblysynyń polısııa departamenti arnaıy qyzmet ókilderimen birge Bórli aýdanynda ushqyshsyz ushý apparatynyń bólshekterine uqsas zattardyń tabylýyna oraı tekserý is-sharasyn júrgizip jatyr. Ol nysan eldi mekennen tys aýmaqty tabylǵan. Oqıǵanyń mán-jaıy anyqtalyp jatyr» dep habarlady oblystyq polısııa departamentiniń resmı ókili Nurjan Qýanǵalı.
Aıta keteıik, Bórli aýdanynda álemdegi eń iri gaz kenishteriniń biri – Qarashyǵanaq ken orny ornalasqan. Qarashyǵanaqtan alynǵan shıkizat Reseıdiń Orynbor oblysyndaǵy gaz óńdeý kesheninde óńdeledi. 19 qazan kúni Orynbor GО́K-nde jarylys bolǵan edi.
Batys Qazaqstan oblysy
