Foto: QR Ǵylym jáne joǵary bilim mınıstrligi
Osyǵan oraı ýnıversıtette Ortalyq Azııa О́ńirlik Ekonomıkalyq Yntymaqtastyq (OAО́EY, CAREC) ınstıtýtymen birlesken «Inklıýzıvti bilim berý úshin jasandy ıntellektini paıdalaný: OAО́EY óńiri úshin masshtabtalatyn model» atty halyqaralyq is-shara ótti. Sheteldik sarapshylar ýnıversıtettiń sıfrlyq jáne ınklıýzıvti transformasııa baǵytyndaǵy bastamalaryna joǵary baǵa berdi. Sonymen qatar JI-diń baǵdarlamalaý men pedagogıkalyq ádistemelerdi jetildirýdegi róline erekshe nazar aýdaryp, JI tehnologııalaryn bilim berý úderisine engizýdiń bolashaǵy men halyqaralyq ǵylymı yntymaqtastyqty damytý joldary talqylandy.
Ǵylymı jıynǵa QR ǴJBM Joǵary jáne joǵary oqý ornynan keıingi bilim komıteti tóraǵasynyń m.a. Gúljan Jarasova, CAREC ınstıtýty Áleýetti arttyrý jónindegi maman Stıven Hao Lıý, Stenford ýnıversıtetiniń Jasandy ıntellekt salasynyń professory, livetech.ai kompanııasynyń negizin qalaýshysy Iýnes Bensýda Mýrrı, Nazarbaev Ýnıversıtetiniń Smart júıeler jáne jasandy ıntellekt ınstıtýtynyń (ISSAI) bas dırektory Hýseın Atakan Varol sııaqty jasandy ıntellekt jáne ınklıýzıvti bilim berý salasyndaǵy halyqaralyq jáne otandyq sarapshylar qatysty.
QR Ǵylym jáne joǵary bilim mınıstrliginiń málimetinshe qazirgi ýaqytta ýnıversıtette ınklıýzıvti bilim berýdiń jańa modelin eskere otyryp, jańartylǵan bilim berý baǵdarlamalary ázirlendi. Barlyq bilim berý baǵdarlamalarynyń 3-kýrs stýdentteri úshin «Bilim berý prosesinde jasandy ıntellektini qoldaný» boıynsha pán engizildi. Sonymen qatar jasandy ıntellekt jáne sıfrlyq tehnologııalar baǵytynda 3 memlekettik qarjylandyrylatyn granttyq ǵylymı joba júzege asady.
AQSh, Eýropa, Ortalyq Azııa elderinen kelgen halyqaralyq sarapshylardyń tájirıbeleri-ıdeıalary negizinde ınklıýzıvti bilim berýge jasandy ıntellektini engizýdiń aımaqtyq jol kartasy ázirlenip, búkil Ortalyq Azııa óńiriniń bilim keńistigin jańǵyrtýǵa jańa serpin bermek.
