«QazAvtoJol» kompanııasynyń habarlaýynsha, qazir jobalaý-izdestirý jumystary júrgizilip jatyr. Joba aıasynda ortalyq bólý jolaǵyn, zamanaýı jaryqtandyrý júıesin, avtobýs aıaldamalaryn jáne jaıaý júrginshilerge arnalǵan jer ústi ótkelin salý qarastyrylǵan.
Budan bólek, qozǵalys qaýipsizdigin arttyryp, kólik baılanysyn jaqsartý úshin «taǵa» pishinindegi eki jolaıryq salý josparlanyp otyr.
«Jobalaý – kúrdeli ári kóp kezeńnen turatyn prosess. Qazir geologııalyq, ekologııalyq jáne geodezııalyq zertteýler aıaqtalýǵa jaqyn. Jobalaý jumystary osy jyldyń sońyna deıin aıaqtalady», delingen habarlamada.
Jobalaý nátıjesinde daıyndalǵan qujattama memlekettik saraptamaǵa joldanady. Qurylys jumystary saraptamadan oń qorytyndy alynyp, qarjylandyrý bólingennen keıin bastalady. Bul joba Almaty qalasy men shekara mańy baǵytyndaǵy jol ınfraqurylymyn jańǵyrtýdyń mańyzdy qadamy bolmaq.
