Úsh toqsannyń qorytyndysy boıynsha saladan túsken jalpy túsim 8,4 trıllıon teńgege jetti. Bul ótken jartyjyldyqtaǵy kórsetkishten eki jarym ese kóp. Salyq túsimderiniń eń úlken bóligi eldegi úsh iri joba Teńiz, Qarashyǵanaq, Qashaǵan ken oryndarynan túsken. Olardyń ishinde eń kóp úlesti «Teńizshevroıl» kompanııasy qamtamasyz etti. Bıyl kompanııa qazynaǵa 2 trıllıon 568 mıllıard teńge aýdaryp, jalpy túsimniń 30%-yn qurady.
Ekinshi orynda «Qarashyǵanaq Petrolıým Opereıtıng B.V.» tur. Kompanııanyń tólegen salyǵy shamamen 1 trıllıon teńge nemese jalpy túsimniń 12%-yna teń. Al Qashaǵan jobasyn iske asyryp otyrǵan «Nort Kaspıan Opereıtıng Kompanı N.V.» 341,6 mıllıard teńge salyq tólegen. Bul jalpy kórsetkishtiń shamamen 4%-yn quraıdy.
Teńiz, Qarashyǵanaq jáne Qashaǵan jobalary eldiń eksporttyq áleýetin de, qarjylyq turaqtylyǵyn da qamtamasyz etip otyr. Sondyqtan bul salanyń tıimdiligi tek óndiris kólemimen emes, memleketke quıylatyn qarjy aǵynymen de ólshenedi.
