Bıjanova 10 qazannan bastap tutynýshylardyń quqyqtaryn qorǵaýǵa jáne ásirese taýarlardy bólip-bólip satý kezinde baǵa belgileýdiń ashyqtyǵyn arttyrýǵa baǵyttalǵan jańartylǵan Ishki saýda erejeleri kúshine engenin eske saldy. Endi saýda kásiporyndary satýshynyń óz qarajaty esebinen bólip-bólip tóleý usynylatyn jaǵdaılardy qospaǵanda, taýardyń bir baǵasyn kórsetýge mindetti. Mundaı jaǵdaılarda baǵa belgisinde eki qun kórsetilýi tıis: birden tóleý kezinde jáne bólip-bólip satyp alý kezinde.
Vıse-mınıstrdiń aıtýynsha, bul norma avtokólik, zergerlik buıymdar, turmystyq tehnıka nemese jıhaz sııaqty qymbat taýarlardy satýda erekshe mańyzdy, onda satýshynyń ózi bólip tóleýdiń qarjylyq táýekelderin kóteredi. О́zgerister baǵa belgileýdiń ashyqtyǵyn arttyrýǵa jáne taýarlardy bólip-bólip satyp alý kezinde tutynýshylardyń quqyqtaryn qorǵaýǵa baǵyttalǵan. Endi baǵalardy resimdeý kezinde ishki saýda sýbektileri aksııalar, jeńildikter jáne satýshynyń óz qarajaty esebinen bólip-bólip satý jaǵdaılaryn qospaǵanda, taýardyń bir baǵasyn kórsetedi.
«Bul satyp alýshyǵa taýardyń ózi úshin qansha tóleıtinin, al ony bólip-bólip satyp alý múmkindigi úshin qansha tóleıtinin anyq túsinýge múmkindik beredi», dep atap ótti Aıjan Bıjanova.
Mundaı norma tikeleı satýshylar satatyn qymbat taýarlar: avtomobılder, massaj kreslolary, zergerlik jáne úlbir buıymdary, turmystyq tehnıka jáne basqalary úshin erekshe ózekti. Mundaı jaǵdaılarda satýshy bólip-bólip tóleý boıynsha táýekelderdi óz betinshe kóteredi jáne olardy taýar baǵasynda kórsetýge quqyly.
Eger áńgime taýarlardy ekinshi deńgeıli banktermen úılestirilgen elektrondyq saýda alańdary arqyly satý týraly bolsa, onda bólip-bólip tóleýdi satýshy emes, bank pen satyp alýshy arasyndaǵy qaryz sharty negizinde qaryz qarajaty esebinen bank usynady.
Bul jaǵdaıda taraptardyń qatynastaryn Qarjy naryǵyn retteý jáne damytý agenttigi (QNDRA) retteıdi jáne kredıttik shart barlyq prýdensıaldyq talaptarǵa sáıkes kelýge tıis. Osylaısha, jańa erejeler satýshylardyń ózderi usynatyn bólip-bólip tóleýge ǵana qatysty jáne bazarlar arqyly resimdeletin banktik bólip-bólip tóleýge qoldanylmaıdy.
Budan basqa, kezdesý barysynda marketpleısterdiń komıssııalary men olar usynatyn qyzmetter tizbesine, sondaı-aq ekinshi deńgeıli banktermen jáne mıkrokredıttik uıymdarmen ózara is-qımylǵa qatysty máseleler qozǵaldy.
