Derbes kredıttik reıtıng degenimiz adamnyń nesıe tóleý tártibine baılanysty qoıylatyn baǵa. Ol avtomatty túrde esepteledi. Reıtıngke tólemniń ýaqytyly jasalýy, keshiktirilgen kúnderdiń bolýy, qansha kredıt bar ekeni jáne qaryzdyń kollektorlarǵa berilgen-berilmegeni sııaqty faktorlar áser etedi. Bul reıtıng aqparat retinde ǵana beriledi. Iаǵnı joǵary ball alǵan adamǵa bank mindetti túrde nesıe beredi degen kepil joq. Sebebi ár qarjy uıymynyń óz baǵalaý júıesi bar.
«Kredıttik reıtıng neǵurlym joǵary bolsa, adamnyń senimdiligi soǵurlym artady. Bank ondaı klıentke nesıe berýge oń kózben qaraıdy. Al reıtıng tómen bolsa, bank nemese mıkroqarjy uıymy nesıe berýden bas tartýy múmkin. Reıtıng tómen bolǵan jaǵdaıda bul qaryzdy qaıtarmaý qaýpiniń joǵary ekenin kórsetedi. Bank mundaı jaǵdaıda nesıe bermeýge quqyly. Tipti keshiktirilgen tólem bolmasa da, bank táýekeldi joǵary dep sanasa, bas tartýy múmkin», deıdi agenttik.
Reıtıngti jaqsartý úshin nesıeni ýaqytynda tóleý kerek. Tólemdi esepten shyǵarý kúnine deıin birneshe kún buryn jasaǵan durys. Eger nesıe merziminen buryn ótelse, bankke baryp tolyq ótelgeni týraly anyqtama alǵan jón. Eger tólem keshikse, kredıtordan qashpaı, máseleni birge sheshý kerek. Qazaqstanda mundaı jaǵdaılardy retteýdiń arnaıy tártibi bar.
Ár adam óz reıtıngin jylyna bir ret tegin bile alady. Ol úshin eGov.kz portalyna nemese Birinshi kredıttik bıýronyń saıtyna kirýge bolady. О́zińizben birge jeke kýálik bolsa jetkilikti. Eger bul birinshi ret bolsa, esep tegin beriledi.
