Foto: Sý resýrstary jáne ırrıgasııa mınıstrligi
266 qyzmetkerdiń ishinde 9 mamanǵa memlekettik nagrada, 6 adamǵa «Eńbek ardageri» medali, 8 ókilge «Sý sharýashylyǵynyń ardageri» tósbelgisi, 39 qyzmetkerge «Sý sharýashylyǵynyń úzdigi» tósbelgisi, 84 mamanǵa Qurmet gramotasy, 120 qyzmetkerge Alǵys hat tabystaldy.
Sala qyzmetkerleri men ardagerlerin Respýblıka kúnimen quttyqtap, olardyń eńbekterine zor alǵys bildirgen mınıstr Nurjan Nurjigitov aıtýynsha Memleket basshysy jarııalaǵan Jumysshy mamandyqtar jyly aıasynda sý salasy mamandarynyń mártebesin arttyrý baǵytynda mańyzdy qadamdar jasaldy.
«Atap aıtqanda, eńbekaqyny arttyrý, biliktilikti arttyrýdyń jańa baǵdarlamalaryn iske qosý, «Memlekettik nagradalar týraly» zańǵa ózgerister engizý jáne jalpy eńbek jaǵdaılaryn jaqsartý sharalary qolǵa alyndy. Bul jumystar kelesi jyly da jalǵasyn tabady», dedi N.Nurjigitov.
