Jumysymyzǵa jańa serpin beredi

Elbasymyz halyqqa habarla­ǵan bul jańalyq arqyly elimiz úshin osynaý asa mańyzdy tarıhı oqıǵadan keıin tutynýshylarǵa taýarlar men qyzmetterdiń keń aýqymyna tańdaý jasaýǵa jol ashylady. Búgingi tańda «Yrys-Baqyt» bolyp qaıta qurylǵan bizdiń kásiporynnyń jumysy asa aýqymdy. Bizdiń eńbek ıeleri munda 100-den astam adam teri óńdeý, bylǵary kıimderin tigý, aıaq kıim, at ábzelderin jasaý, kıiz basý óndirisimen aınalysady. О́ndiris kólemi jylma-jyl arta túsýde. Bul, sóz joq, kombınattyń damý jolyna túskendiginiń belgisi. Aldyńǵy jyly 101 mıllıon teńgeniń ónimi shyǵarylsa, byltyr bul kórsetkish 435 mıllıon teńgeden asty. Kásiporyn jylyna 500 myń qoı terisin, 300 myń iri qara terisin óńdeýge qabi­­­­­­let­ti. Jumysshylardyń ortasha jala­qysy 50 myń teńgeden aınalady. О́nimderimizdiń basym bóligi Reseıge ketip jatyr. Kásiporyn osyǵan qosa úlken suranystaǵy kıiz úı jasaýǵa da qabiletti. Bir kezderi kıiz úı shyǵaratyn Taldyqorǵandaǵy Úshtóbe fabrıkasynyń jumysyn toqtatýy kıiz úı kerek emes degendi bildirmeıdi. Keń-baıtaq elimizdiń tamasha tabıǵat múıisterinen demalys oryndarynyń ashylýy, týrızmdi damytý baǵyty boıynsha kıiz úı úlken suranysqa ıe bolatyn kúnder alys emes. Áıtse de Elbasy aıtqandaı, aldymyzda áli de aýqymdy ju­mystar kútip tur. Bul sátti talaı jyl kútip, qanshama daıyndyqtan ótip, shyńdalsaq ta básekege daıyn bolýymyz qajet. Qalpaǵymyzdy aspanǵa atyp, qur qýana bermeı, soǵan saı áreket etýimiz kerek. Bul uıymǵa múshe bolýymyz el kásipkerlerine tyń kúsh, serpilis, qýat beredi dep oılaımyn. О́ıtkeni, bolashaǵyn oılaǵan fermer, sharýa ıesi, bıznes ókili básekege saı bolý úshin qoldan kelgenniń bárin jasaıdy. Jumysyn saraptap, jańadan uıymdastyratyn bolady. Keńeshan AHAEV, «Yrys-Baqyt» JShS dırektory. Jambyl oblysy.