Sharanyń sharyqtaý sheginde kókte ár qazaqstandyq úshin qasterli sanalatyn «Meniń elim, meniń elim, Gúliń bolyp egilemin. Jyryń bolyp tógilemin, elim! Týǵan jerim meniń – Qazaqstanym!» sózderi paıda boldy. Osy áserli sátte dron-shoýǵa jınalǵan kórermen Memlekettik Ánurandy birge oryndady.
Drondar shoýy barysynda kókte halyqty jigerlendiretin basqa da beıneler paıda boldy. Mysaly, Qazaqstan kartasy, Memlekettik Tý, ulttyq aspabymyz – dombyra men notalar, «Altyn adam» beınesi, barys, alma jáne basqa da kompozısııalar, sondaı-aq ádiletti ári myqty memlekettiń ıdeıasyn aıqyndaıtyn «Zań men tártip — Zakon ı porıadok» qaǵıdalary kórinis tapty.
Shoýdyń sońynda drondar «25 qazan – Respýblıka kúni» jáne Qonaev qalasyna degen mahabbatty bildiretin jazýlar men beıneler paıda boldy.
Aıta keteıik, mereke kúni qalada ótken konsertterde oblys ónerpazdary, sondaı-aq Hansultan, Móldir Áýelbekova, Qýandyq Rahym, Asylbek Eńsepov, Esko, Ray, Nursultan Nurberdıev, Il Canto kvarteti syndy tanymal artıster óner kórsetti. Keshtiń júrgizýshileri Rýslan Armanuly men Murat Mutyrǵanov boldy. Qonaevta alǵash ret ótken dron-shoý men áserli konsert Respýblıka kúninde qala turǵyndary men qonaqtaryna úlken qýanysh syılady.
Almaty oblysy.
