Qabilettilikti shyńdaıdy

Qazaqstan – qýatty el. Tek shıkizattyń moldyǵymen ǵana emes, jańa ındýstrııalandyrý baǵ­­darlamasyn iske asyrýdaǵy jasam­­­­pazdyǵymen, saıası turaq­tylyǵy myqty tatýlyǵymen álemge tanyldy. Álem elderi arasynda mem­leketimizdiń mereıin asqaqtatqan, abyroıyn bıiktetken Elbasy Nursultan Nazarbaev jaqynda táýelsiz elimizdi jańa qarqynmen damytýdyń 100 qada­myn usynyp, Ulttyq jos­pardy naqtylap berdi. Demek, biz Dúnıejúzilik saýda uıymyna kirýge daıynbyz. DSU-ǵa múshe bolý –jahan elderi júrip ótken jol. Básekege qabilettiligin shyńdap, órkenıet kóshinen qalǵysy kelmegen ár el DSU-ǵa múshe bolýdy maqsat tutady. Sebebi, jahandyq ózgerister óndirilgen ónimniń sapasyn arttyryp, tutyný naryǵyn keńeıtýdi, sóıtip, básekege qabilettilikti shyńdaýdy talap etedi. Elimiz DSU talaptaryna tolyqtaı saı deı alamyn. О́ıtkeni, bizde álem elderiniń naryǵyna uıalmaı usyna alatyn sapaly taýarlarymyz jetkilikti. Bizde álemdik brendpen kólik te qurastyrylady, astyǵymyzdyń sapasy da joǵary, janar-jaǵarmaı túrleri Eýro-aımaq talaptarymen shyǵarylyp jatyr. «Jasyl ekonomıka» dep atalatyn kún men jelden elektr qýatyn óndirý de qolǵa alynýda. Budan bylaıǵy ýaqytta DSU-ǵa múshe elder Qazaqstannan sanaý­ly taýarlar men ónimderdi satyp alýmen shektelmeıdi. Aldymen, ónim sapasyna basa kóńil aýdarylady. Osy turǵydan aıtqanda, endi Qazaqstanda óndiriletin ónimderdiń sapasyn burynǵydan da joǵary deńgeıge kóterý qajettigi týyndaıtyny daýsyz. О́z kezeginde bizdiń elimizge de DSU-ǵa múshe elderden taýarlar aǵylyp keledi. Bálkim, keı elderden tasymaldaý shyǵyny men qıyndyǵy qolbaılaý bolatyn jańa tehnologııalardy ákelýge jol ashylady degen úmitimiz bar. DSU-ǵa múshe bolý úlken qıyndyqtarǵa jolyqtyrady deıtin syńarjaq pikirler aıtylyp qalady. Biraq men buǵan kelispeımin. Buryn sanaýly elderge ǵana tasymaldanatyn taýarlarymyz endi tórtkúl dúnıeniń tórt buryshyna jetýine jol ashylǵaly otyr. Buryn munaı, astyq sekildi sanaýly ónimderimizdi eksporttaıtyn bolsaq, endi ózge de taýarlarymyzdyń tutyný naryǵyn keńeıtetin bolamyz. Tek básekege qabiletti ónim óndirýimiz qajet. О́ıtkeni, otandyq tutynýshynyń suranysy sheteldik arzan ónimge aýary daýsyz. Al básekeles bolatyndaı otandyq ónimniń sapasy joǵary, sonymen birge, baǵasy da kóńilge qonymdy bolýy qajet. Iаǵnı, DSU-ǵa múshe bolý – otandyq taýar óndirýshilerdiń aldymen básekege qabilettiligin shyńdaıdy. Ekinshiden, ózimizde óndiriletin otandyq ónimderdiń ózindik qunyn tómendetýdiń tıimdi joldaryn qarastyrýdy alǵa tosady. Eń bastysy, táýelsiz Qazaqstanymyz DSU-ǵa múshe bolyp, úlken naryqtyń keńistigine shyqqaly otyr. Bul – barshamyzdyń jeńisimiz! Qonys ERMANOV, «Dastan» JShS dırektory. Atyraý oblysy.