Kitaptyń tusaýkeseri Ystanbul qalasynda erekshe iltıpatpen ótti. Abaı atyndaǵy mektepte, ýnıversıtette, Qazaq qory qoǵamynda, ortalyq kitaphanada, respýblıkalyq mýzeıde tanystyryldy.
Abaı mektebindegi is-sharaǵa Ystanbuldaǵy Bas konsýlymyz Nurıddın Amanqul qatysyp, Alash arysynyń túrki dúnıesine qatysty tereń oılaryn keńinen tarqatty. Sondaı-aq ol jazýshynyń Abaı týraly eńbekterinen taǵylymdy úzindiler oqydy.
Is-shara barysynda oqýshylar Abaı men Mirjaqyp shyǵarmashylyǵyna arnalǵan suraq-jaýapqa belsene qatysyp, bilim men izdenis deńgeıin tanytty. Eske sala keteıik, kitaptyń túrik tilinde jaryq kórýine demeýshilik kórsetken Parlament Májilisiniń depýtaty Berik Beısenǵalıev.
