Osylaısha, donordyń týystarynyń kelisiminiń arqasynda birden birneshe ómirlik mańyzy bar aǵzalardy transplantattaýǵa múmkindik týdy.
Sonymen máıittik donordyń júregin 1988 jyly týǵan pasıentke, al baýyry 1982 jylǵy pasıentke, oń búıregi 1996 jylǵy naýqasqa, sol jaq búıregi 2017 jyldyń qazan aıynan beri aǵza almastyrýdy saryla kútken 1966 jylǵy pasıentke, al kóziniń móldir qabyqtary 1983 jáne 1956 jyly týǵan pasıentterge salyndy.
Asa kúrdeli medısınalyq úderisti úılestirýdi QR DSM Respýblıkalyq transplantattaý jáne joǵary tehnologııalyq medısınalyq qyzmetterdi úılestirý ortalyǵy qamtamasyz etip, Almatynyń jetekshi transplantattaý ortalyqtary birlese atqarsa, olardyń qatarynda «Kardıologııa jáne ishki aýrýlar ǵylymı-zertteý ınstıtýty» AQ, «Syzǵanov atyndaǵy Ulttyq hırýrgııa ǵylymı ortalyǵy» AQ, Almaty qalasyndaǵy «Ortalyq qalalyq klınıkalyq aýrýhana» ShJQ KMK bar.
Donordyń jasy ulǵaıǵanyna qaramastan, dárigerler aǵzalardyń jaǵdaıy jaqsy ekendigin, ári qaraı qyzmetin atqara alatyndyǵyn alǵa tartyp otyr.
Medısınadaǵy bul oqıǵa ómirdi saqtaýǵa kelgende adam jasynyń kedergi emes ekendigin taǵy da rastady.
Respýblıkalyq ortalyq donordyń otbasyna olardyń saýapty sheshimi úshin, sondaı-aq úılesimdi jumysy asa kúrdeli prosesti joǵary deńgeıde júrgizýge múmkindik bergen medısına mamandaryna zor rızashylyǵyn bildiredi.
