Sýretti túsirgen – Valerıı BÝGAEV
Jalpy quny 30,4 mlrd teńgeni quraıtyn bul joba – Pavlodar oblysy aýmaǵynda júzege asyrylýy josparlanǵan úsh iri óndiristik keshenniń alǵashqysy. Barlyq nysan iske qosylǵannan keıin elimiz qara jáne tústi metallýrgııada, mashına jasaý, kólik jáne basqa da ónerkásip salalarynda keńinen qoldanylatyn strategııalyq mańyzdy materıal – ferroqorytpa óndirisi boıynsha álemde 2-orynǵa shyǵýǵa múmkindik alady.
Zaýyt halyqaralyq ekologııalyq, tehnologııalyq qaýipsizdik standarttaryna tolyq sáıkes keletin eki zamanaýı elektr peshimen jabdyqtalǵan. Joǵary tehnologııalyq kásiporyn 99,9% tıimdilikpen aýany tazartýdy qamtamasyz etetin zamanaýı gıbrıdti súzgilermen jabdyqtalǵan jáne eń joǵary ekologııalyq talaptarǵa jaýap beredi. Jobany júzege asyrý aıasynda 350-den astam jańa jumys orny qurylady.
«Bul – Ertis-Baıan óńiri aýmaǵynda Qazaqstandy ferroqorytpa óndirisi boıynsha álemdik kóshbasshylar qataryna qosýǵa qabiletti tolyqqandy metallýrgııalyq klasterdi qurýǵa baǵyttalǵan strategııalyq qadam. Ekibastuz elimizdiń negizgi óndiristik ortalyqtarynyń birine aınalyp keledi, al búgingi oqıǵa óńirdiń ındýstrııalyq damýynyń jańa kezeńiniń bastalýyn bildiredi», dedi oblys ákimi Asaıyn Baıhanov.
О́ńir basshysy men «KazFerroLimited» JShS bas dırektory Qaırat Núkenov sımvoldyq túrde alǵashqy elektr peshin iske qosý rásimine qatysty. Odan soń óńir basshysy jańa kásiporynnyń negizgi óndiristik aımaqtaryn aralap, tehnologııalyq úderisti tolyq baqylaýda ustaıtyn operatorlyq bólimge bardy. Sonymen qatar metaldyń alǵashqy quıylý úderisine kýá boldy.
Pavlodar oblysy,
Ekibastuz qalasy
