Kezdesý barysynda Estonııanyń dástúrli halyq ónerine arnalǵan Estonııalyq qolǵaptar kórmesin uıymdastyrý máselesi de qozǵaldy. Bul kórme elimizdiń Ulttyq mýzeıinde ótedi. Sondaı-aq Ulttyq akademııalyq kitaphanada arnaıy Estonııa kitaptary buryshynyń ashylýy da sóz etildi. Bul bastama mádenı baılanystardy damytýǵa jáne shetel ádebıetin nasıhattaýǵa baǵyttalǵan.
«Mádenıet pen óner – halyqtyń rýhy men bolmysyn tanytatyn mańyzdy sala. Mádenıette shekara joq, ol elder men halyqtardy jaqyndastyryp, ózara túsinistikti arttyrady. Biz Estonııamen yntymaqtastyqty damytý men nyǵaıtýǵa múddelimiz. О́z tarapymnan tájirıbe almasý, kórmeler, gastrolder, shyǵarmashylyq jobalar nemese akademııalyq baǵdarlamalar – kez kelgen ortaq bastamany jan-jaqty qoldaýǵa daıynmyn», dedi
A.Balaeva.
Otyrysta taraptar teatrlar, baspalar, galereıalar men kınoortalyqtar arasyndaǵy yntymaqtastyq máselelerin de talqylady. Ortaq kórmeler men qoıylymdar uıymdastyrý, ádebı shyǵarmalardy aýdarý, sondaı-aq sýretshiler, jazýshylar men rejısserler arasynda tájirıbe almasý múmkindigi de qarastyryldy.
Jıyn barysynda estondyq tarap mınıstrliktiń quzyretine kiretin birqatar suraqqa jaýap aldy. Kezdesý sońynda taraptar yntymaqtastyqty keńeıtýge nıet bildirdi.
