Kóp kúttirgen keshen endi elimizdiń ǵana emes, Ortalyq Azııa elderinen kelgen endoskopıst-dárigerlerdiń de kásibı bilim-biligin shyńdap, endoskopııalyq dıagnostıkany jańa deńgeıge kóteretin zamanaýı bilim berý habyna aınalady.
Endoskopııalyq ortalyq Evis X1 endoskopııalyq júıeleri men joǵary tehnologııaly sımýlıatorlar sııaqty eń sońǵy qural-jabdyqtarmen qamtamasyz etilgen. Mundaı ozyq oqý úderisi dárigerlerdiń halyqaralyq standarttarǵa saı kásibı biliktiligin kóterýge septesedi. Ári bul júıe endoskopııany jasandy ıntellektimen birge jańa deńgeıge kóterip, dárigerge tipti óte kishkentaı, kózge kórinýi, jetýi qıyn isikterdi anyqtaýǵa kómektesedi.
– Ortalyqtyń ashylýyna álemdik medısınalyq jabdyqtar óndirisiniń kóshbasshysy – Olympus kompanııasymen strategııalyq áriptestigimiz yqpal etti. Seriktesterimizge kórsetken qoldaýy úshin shynaıy alǵysymdy bildiremin, – dedi KIAǴZI basqarma tóraǵasy Rústem Tóleýtaev.
R.Tóleýtaev jańa ortalyqtyń óz dárigerlerimizben qosa, О́zbekstan, Tájikstan, Túrikmenstan, Qyrǵyzstannan kelgen mamandardy da mashyqtandyra otyryp, ozyq tehnologııalardy meńgeretin mańyzdy alańǵa aınalatynyna senim bildire kele, onyń dıagnostıka men medısınalyq kómektiń sapasyn arttyrýǵa múmkindik beretinin atap ótti.
Japonııadaǵy Olympus Corporation ókili Iohı Maeda: «Trenıng ortalyǵyn qurýǵa Qazaqstan, Japonııa, Polsha, Chehııa komandalarynyń atsalysqanyna qýanyshtymyz. Ortalyq mamandardy daıarlaý, bilim almasý, joǵary standarttardy engizý salalarynda jańa múmkindikter ashady», deıdi.
О́z kezeginde Olympus OCG dırektory Tomash Stavıarskı: «Maqsatymyz – adamdardy ajaldan arashalaý. Biz dárigerlerdi jabdyqty durys ári tıimdi paıdalanýǵa úıretemiz, sebebi naýqastardyń ómiri men densaýlyǵy osyǵan táýeldi. Osy mańyzdy jobanyń bir bóligi bolǵanymyzdy maqtan tutamyz», dedi.
Basqarma tóraǵasynyń ǵylymı-klınıkalyq jáne ınnovasııalyq qyzmet jónindegi orynbasary Jámıla Qaıbýllaeva endoskopııalyq ortalyqtyń dárigerlerimizdi sapaly kolonoskopııa ádisterine úıretip qana qoımaı, ADR kórsetkishin esepteý júıesi engiziletinin de jetkizdi. Bul kórsetkish – tik ishek pen toq ishek qaterli isigimen kúrestegi taǵdyrsheshti faktor. Ony qoldaný myńdaǵan adamnyń ómirin saqtap qalýǵa múmkindik beredi.
Endoskopııa jáne ıntervensııalyq gastroenterologııa bólimshesiniń meńgerýshisi Alma Habıjanova da Ortalyq Azııada endoskopııalyq qyzmettiń damýyna atalǵan ortalyq aıtarlyqtaı úles qosatynyna senimdi.
Oqý ortalyǵynyń baǵdarlamalaryna teorııalyq kýrstarmen qatar, sımýlıatorlar men naqty ómirlik, klınıkalyq jaǵdaıda ótkiziletin keń kólemdi praktıkalyq sabaqtar da kiredi. Olar oqý úderisiniń tıimdiligin barynsha arttyrýǵa jol ashady. Bul mańyzdy oqıǵa elimizde medısınalyq bilim berý men tehnologııalardy damytýdyń jańa kezeńi bastalǵanyn bildiredi.
ALMATY
