«Taza Qazaqstan», «Adal Azamat» jáne «Zań men Tártip» ustanymdaryn nasıhattaýǵa arnalǵan mýraldar Sarqan aýdanynyń Sarqan qalasynda, Qaratal aýdanynyń Úshtóbe qalasynda jáne Kóksý aýdanynyń Balpyq bı aýylyndaǵy kóp qabatty úılerdiń qabyrǵasyna salyndy.
– Bizdiń túsinigimizde mýral – jaı ǵana beıneleý óneriniń týyndysy emes, ol qoǵam múshelerine ómirlik ustanymdar men qundylyqtardy eske salatyn erekshe sımvol, – deıdi «Jetisý jastary» KMM dırektory Shámil Vankeev.
Bul jumystar qorshaǵan ortaǵa janashyrlyqpen qaraý men ekologııalyq mádenıetti arttyrýdyń mańyzyn jetkizedi. Sondaı-aq adaldyq pen jeke jaýapkershilikke, zańǵa baǵyný men qoǵamdyq tártipti saqtaýǵa shaqyrady. Tazalyq, adal eńbek jáne ózara qurmet – turaqty ári ádil qoǵamnyń negizi.
Biz ár adamnyń kúndelikti is-áreketi eldiń jarqyn bolashaǵyn qalyptastyrady dep senemiz.
