Keler jyldan bastap kúshine enetin jańa Salyq kodeksine sáıkes, kólik pen múlik salyǵyna birqatar jeńildik qarastyrylǵan.
«Eń aldymen qozǵaltqysh kólemi 4 lıtrden asatyn kólik ıelerine salynatyn salyq mólsheri azaıady. Buǵan deıin 500 myńnan 800 myń teńgege deıin tólep kelgen júrgizýshiler endi shamamen 460 myń teńge kóleminde salyq tóleıdi. Sonymen qatar eskirgen kólikterge jeńildik qarastyrylǵan», - dep habarlady jaýapty vedomstvo.
Sonymen qatar 2026 jyldan bastap bızneske salynatyn salyqtar sany 20%-ǵa qysqarady. Jeńildikter men alymdar ońtaılandyrylyp, biryńǵaı jer salyǵy joıylmaq. Tólemderdiń jekelegen túrleri boıynsha mólsherleme sany qysqartylady. О́zgerister korporatıvtik jáne jeke tabys salyǵynan bastap, ınvestısııany yntalandyrýǵa jáne salyq júktemesin qaıta bólýge deıingi barlyq negizgi baǵytty qamtıdy.
Salyq rejımi ońtaılandyrylady, ıaǵnı úsheýi qalady:
- ózin-ózi jumyspen qamtyǵandar úshin,
- jeńildetilgen deklarasııa negizinde,
- fermerlik sharýashylyqtar úshin.
О́zin-ózi jumyspen qamtyǵandar mobıldik qosymsha arqyly salyqty eseptep, tóleı alady.
Jańa Salyq kodeksi 2026 jyldyń 1 qańtarynan bastap resmı túrde qoldanysqa engiziledi.
