Harvest Agro 2022 jyldan bastap Qazaqstan naryǵynda jumys istep keledi. Kompanııa jer jáne elevator satyp alyp, Qyzylorda oblysynda jobanyń alǵashqy kezeńin júzege asyrýǵa kirisken. Alǵashqy kezeńde 20 myń gektar alqapta tehnıkalyq kenep, júgeri jáne soıa daqyldary ósiriledi.
«Bizdiń ınvestor – Shveısarııa kompanııasy. Biz Qazaqstanda 8–9 oblysta jalpy kólemi 300 myń gektar sýarmaly jerdi ıgerýdi josparlap otyrmyz», – dedi Dáýlet Ývashev.
Jobanyń ekinshi kezeńi 2026 jyldan bastalady. Bul kezeńde Almaty, Abaı, Jetisý jáne Shyǵys Qazaqstan oblystarynda aýyl sharýashylyǵy ónimderin óńdeıtin zaýyttar salynyp, ár óńirde 50 myń gektardan jer ıgerý kózdelip otyr.
Kompanııa basshysynyń aıtýynsha, ákimdiktermen birqatar memorandýmdarǵa qol qoıylyp, bıznes-josparlar men qarjylyq modelder daıyndalǵan. О́ndirilgen ónimniń basym bóligi ishki naryqqa jetkizilse, bir bóligi eksportqa shyǵarylady.
«Biz soıa konsentratyn, amınqyshqyldaryn óndiremiz. Al shrot pen kúnjara mal azyǵyna jumsalady. Tehnıkalyq kenepten qurylys salasyna arnalǵan panelder, oqshaýlaǵysh materıaldar men plıtalar shyǵaramyz. Osylaısha, tereń óńdeýdi jolǵa qoıyp, ishki jáne syrtqy naryqqa daıyn ónim usynatyn bolamyz», – dep atap ótti Daýlet Ývashev.
