Foto: Almaty ákimdigi
A.Qaldybekov 1984 jyly 11 qazanda týǵan. Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha támamdaǵan. «Bolashaq» baǵdarlamasy boıynsha Dıýk ýnıversıtetinde (AQSh, Soltústik Karolına) quqyq magıstri dárejesin alǵan. Qazaq ulttyq agrarlyq zertteý ýnıversıtetinde fılosofııa doktory (PhD) ǵylymı dárejesin qorǵaǵan.
Eńbek jolyn 2007 jyly Almaty qalasy Bostandyq aýdanynyń №2 aýdandyq sotynda jetekshi maman bolyp bastaǵan.
Ár jyldary Ulttyq bankte, «Samuryq-Qazyna» AQ, «Azamattarǵa arnalǵan úkimet» memlekettik korporasııasy» KEAQ qurylymdarynda qyzmet etken.
2018 jyly Almaty qalasy ákimi apparatynyń bas ınspektory bolyp jumys istedi. Sol jyly shildeden 2019 jyly naýryzǵa deıin Almaty qalasy Jetisý aýdany ákiminiń apparatynyń basshysy boldy.
2019-2020 jyldary Almaty qalasy Jer qatynastary basqarmasy basshysynyń orynbasary jáne Almaty qalasy Jasyl ekonomıka basqarmasy basshysynyń orynbasary laýazymdaryn atqarǵan.
2019 jyly Birinshi prezıdenttik jastar kadrlyq rezervine endi. 2020-2024 jyldary Almaty qalasy Alataý aýdanynyń ákimi bolyp jumys istedi.
2024 jyldan osy ýaqytqa deıin Almaty qalasy ákiminiń orynbasary qyzmetin atqardy.
