Foto: gov.kz
2023-2027 jyldar aralyǵynda ınteraktıvti qoljetimdilik kartasyna engizilgen 43 myńnan astam nysanǵa da qajetti jaǵdaı jasaý kózdelgen.
Eńbek jáne halyqty áleýmettik qorǵaý mınıstrligi jyl saıyn osyndaı obektilerdiń 20 paıyzyn beıimdeýdi josparlaǵan.
2023 jyly Kartadaǵy obektilerdiń – 20%, 2024 jyly – 40%, 2025 jyly – 60% qajetti jóndeý jumystary júrgizilgen. 2026 jyly – 80%, 2027 jyly – 100%-y nysandy beıimdeý kózdelgen. Salalyq mınıstrliktiń málimetinshe, qazir el boıynsha 24 216 nysan tolyqtaı beıimdelgen.
Onyń ishinde Almaty qalasynda 4323 nysanda qolaıly jaǵdaı jasalǵan. 2027 jyldyń sońyna deıin 5611 nysandy beıimdeý josparlanyp otyr.
Salalar boıynsha múgedektigi bar adamdarǵa jaǵdaı jasalǵan nysandar sany:
- densaýlyq saqtaý nysandary– 972;
- bilim berý nysandary – 800;
- mádenıet nysandary – 42;
- memlekettik jáne kvazımemlekettik uıymdar – 115;
- sport nysandary – 23;
- áleýmettik qorǵaý nysandary – 8;
- kólik ınfraqurylymy nysandary – 3;
- oıyn-saýyq jáne demalys oryndary – 21;
- qoǵamdyq tamaqtaný – 347;
- saýda nysandary menoıyn-saýyq ortalyqtary – 1 925;
- basqada nysandar – 67.
Bıyl Almaty qalasy boıynsha Áleýmettik qorǵaý salasyndaǵy retteý jáne baqylaý komıtetiniń departamenti Áleýmettik kodeksiniń talaptarynyń oryndalýyn tekserý maqsatynda 77 tekseris júrgizgen. Onyń ishinde profılaktıkalyq baqylaý aıasynda – 9, jospardan tys – 58, prokýratýra organdarynyń bastamasymen – 10 tekseris júzege asyrylǵan.
Tekserý nátıjesinde múgedektigi bar adamdardy áleýmettik qorǵaý jáne arnaıy áleýmettik qyzmetter kórsetý salasynda anyqtalǵan zańbuzýshylyqtardy joıý jóninde 48 nusqama berilgen. Sondaı-aq jalpy somasy 5 mln 308,2 myń teńge bolatyn 13 ákimshilik aıyppul salynǵan. Birlesken tekserýlerdiń qorytyndysy boıynsha prokýratýraǵa 10 qorytyndy usynylǵan.
