Prezıdent janyndaǵy Ulttyq ǵylym akademııasy Memleket basshysy Qasym-Jomart Toqaevtyń klımattyq turaqtylyqty qamtamasyz etý jáne 2060 jylǵa deıin kómirtegi beıtaraptyǵyna qol jetkizý jónindegi tapsyrmalaryn iske asyrý maqsatynda elimizdegi alǵashqy agroklımattyq «KAZ AGRO CARBON» karbon polıgonyn ashty. Polıgon A.Baraev atyndaǵy astyq sharýashylyǵy ǵylymı-óndiristik ortalyǵynyń bazasynda ornalasqan. Bul ıgi iske reseılik seriktes retinde Reseı ǵylym akademııasynyń Agrarlyq ekologııa federaldyq ǵylymı ortalyǵy da qatysyp jatyr.
Bir aıta keterligi, polıgon tıptik agrolandshafttyq aýmaqta ornalasyp, ekojúıelerdiń jaǵdaıyn jyl boıy baqylaýǵa múmkindik beretin zamanaýı jabdyqtarmen qamtamasyz etilgen. Munda topyraqtaǵy kómirtegi teńgerimin, CO₂ jáne CH₄ aǵynyn ólsheıtin kameralar men sensorlar ornatylǵan, sondaı-aq temperatýra, ylǵaldylyq jáne jaýyn-shashyn kórsetkishterin tirkeıtin meteorologııalyq beketter jumys isteıdi.
Saraptamalyq baǵalaýlar boıynsha elimizde kómirtekti sekvestrleý áleýeti jylyna 535 mln tonnaǵa deıin jetýi múmkin. Kómirtekti ofsetter saýdasy jyl saıyn el ekonomıkasyna 25 mlrd dollarǵa deıin tartýǵa múmkindik beredi, bul ornyqty damý men ekonomıkalyq áleýetti nyǵaıtý úshin jańa múmkindikter ashady.
Bolashaqta polıgon fermerler úshin tájirıbe alańyna aınalyp, olar jınalǵan kómirtegini sertıfıkattaý jáne kómirtegi kvotalaý júıesine qatysý múmkindigine ıe bolady. Bul Qazaqstannyń kómirtegi kvotalary naryǵyna resmı túrde shyǵýyna jáne ekologııalyq nátıjelerdi naqty ekonomıkalyq tabysqa aınaldyrýǵa jol ashady.
Shortandy aýdany,
Aqmola oblysy
