Foto: rozetked.me
Qazaqstanda 24 naýryzdan bastap abonenttik qurylǵylardy tirkeý erejesine ózgerister engizildi. Endi smartfon nemese planshet Qazaqstandaǵy uıaly baılanys operatorlarynyń jelisinde jumys isteýi úshin onyń IMEI-kody memlekettik derekter bazasynda tirkelýi qajet.
Verıfıkasııa degenimiz ne?
Verıfıkasııa – qurylǵynyń Qazaqstanǵa resmı túrde jetkizilgenin rastaıtyn rásim. Importerler barlyq IMEI-kodtardy memlekettik bazada tirkeıdi. Al zańsyz ákelingen qurylǵylar verıfıkasııadan óte almaıdy jáne uıaly baılanys jelisinde jumys isteı almaı, buǵattalady.
Resmı ımport smartfonnyń sertıfıkattalǵanyn, tehnıkalyq talaptarǵa sáıkes ekenin jáne kepildik qyzmetimen qamtamasyz etilgenin bildiredi. Sondaı-aq, IMEI-kod urlanǵan nemese joǵalǵan telefondardy operatorlarǵa bloktaýǵa múmkindik beredi.
Kaspi.kz servısteri arqyly IMEI tekserý
Kaspi.kz platformasy satyp alýshylar men satýshylarǵa smartfondy tekserýge arnalǵan servısti iske qosty. Qyzmet qarapaıym: satyp alǵan kezde nemese keıin qurylǵynyń IMEI-kodyn engizý arqyly onyń memlekettik bazada tirkelgenin tekserýge bolady. Qurylǵy resmı túrde elge ákelingen bolsa, ol barlyq operatorlar jelisinde tolyq jumys isteıdi.
IMEI-kodty bilý úshin smartfonda *#06# terýge nemese ony qurylǵynyń qorabynan, sondaı-aq parametrlerinen qaraýǵa bolady. iOS qurylǵylarynda bul «Parametrler – Negizgi – Bul qurylǵy týraly – IMEI», al, Android-te «Parametrler – Qurylǵy týraly – Tolyq aqparat – IMEI» bólimderinde kórsetiledi.
Satyp alǵan smartfon verıfıkasııadan ótpese, Kaspi Magazın arqyly ony qaıtarýǵa bolady: «Meniń tapsyrystarym» bóliminen tapsyrysty tańdap, «Keri qaıtary» batyrmasyn basyp, nusqaýlarǵa sáıkes ótinish berý jetkilikti.
Verıfıkasııanyń jańa iPhone 17 úshin mańyzy
Ásirese jańa iPhone 17, iPhone 17 Pro, iPhone 17 Pro Max nemese iPhone Air qurylǵylaryn satyp alǵanda, bul prosess óte mańyzdy. О́ıtkeni resmı ákelinbegen qurylǵylarda kepildik bolmaıdy, jeliler men servıs fýnksııalary tolyq qoljetimsiz bolýy múmkin. Resmı verıfıkasııalanǵan qurylǵy barlyq jańartýlar men jańa múmkindikterdi tolyq qamtamasyz etedi.
Kaspi.kz servısteri endi paıdalanýshylarǵa IMEI-kodyn tekserip, legaldy qurylǵy alǵanyna senimdi bolýǵa múmkindik beredi. Bul satyp alýshyny jalǵan, resmı emes nemese kontrabandalyq smartfonnan qorǵap qana qoımaı, naryqtyń ashyqtyǵyn arttyrady.
