Ulttyq statıstıka bıýrosynyń málimetinshe, eldegi qyzmetkerlerdiń jalaqysy kelesi aralyqtarda bólingen:
- 54 paıyzdan astamy nemese 1 mıllıonnan astam adam aıyna 300 myń teńgeden joǵary tabys alady;
- 32,5 paıyzy (shamamen 1 mıllıon adam) aıyna 150–300 myń teńge aralyǵynda tabady;
- 10,5 paıyzy (350 myń adam) aıyna 100–150 myń teńge kóleminde jalaqy alady;
- 3,3 paıyzy (shamamen 110 myń adam) aıyna 100 myń teńgeden az tabys tabady.
Osylaısha, Qazaqstanda 150 myń teńgeden az jalaqy alatyndardyń úlesi shamamen 13,8 paıyzdy, ıaǵnı 460 myń adamdy quraıdy.
2024 jyldyń qorytyndysy boıynsha ortasha aılyq jalaqy 405 416 teńge boldy. Bul kórsetkish bir jylda ataýly túrde 11 paıyzǵa, al naqty ósim 2,4 paıyzǵa artqanyn kórsetedi. Al medıanalyq jalaqy bir jylda 11 paıyzǵa ósse de, naqty máninde nebári 0,4 paıyzǵa ǵana joǵarylaǵan.
Medıanalyq jalaqy – halyqtyń naqty tabysyn dálirek sıpattaıtyn kórsetkish, óıtkeni ol eń tómen jáne eń joǵary jalaqylardyń áserin azaıtady.
