Sýretti túsirgen – Álı Ǵalym
Prezıdent azamattardyń qaryzǵa belsheden batýyna qatysty máselege únemi nazar aýdaryp keledi. Memleket basshysy Qasym-Jomart Toqaev óz Joldaýynda «Qaryzsyz qoǵam» jobasyn erekshe atap ótip, onyń túpki maqsaty halyqtyń moınyndaǵy qaryzyn azaıtý ǵana emes, azamattardyń tabysy turaqty bolýyn qamtamasyz etý ekenin málimdedi. Osyǵan baılanysty partııa azamattarǵa qarjylyq qıyndyqtan shyǵýǵa kómektesip qana qoımaı, olardyń óz isin bastaýyna jáne jumyspen qamtylýyna múmkindik beretin keshendi jumysty jolǵa qoıyp otyr.
«Eń bastysy – adamdardyń tek qazirgi máselesin sheshý emes, árbir azamat naqty qoldaý kórip, aıaqqa tura alatyn júıe qalyptastyrý. «Amanat» partııasynyń servıstik modeli óz tıimdiligin dáleldep, Prezıdenttiń Ádiletti Qazaqstandy qurý baǵytyn júzege asyrýda naqty quralǵa aınaldy. Memleket basshysynyń barlyq reformasy halyqtyń ál-aýqatyn arttyrýǵa jáne elimizdiń damýyna baǵyttalǵan. Osy turǵydan alǵanda, partııalyq jobalar ár azamattyń laıyqty tabys taýyp, sapaly áleýmettik qyzmet alyp, erteńgi kúnge senimmen qaraı alýyna jaǵdaı jasaý úshin jumys isteıdi», dedi partııa tóraǵasy.
Erlan Qoshanov partııalyq jobalar birtutas júıe retinde jumys isteýge tıis ekenin atap ótti. Iаǵnı zańgerlik kómek, oqytý kýrsy men jumys oryndaryn qurý qadamdary ózara baılanysyp, bir-birin tolyqtyryp turýy qajet. Onyń aıtýynsha, dál osyndaı keshendi tásil qarjylyq qıyndyqtardyń saldaryn joıýǵa ǵana emes, sonymen qatar azamattardyń «aıaqqa turyp», óz betinshe laıyqty ómir súre alatyn ýaqytqa deıin adamdarǵa súıenish bolýǵa múmkindik beredi.
О́z kezeginde, jobalyq keńselerdiń basshylary jumys nátıjesin usynyp, partııanyń servıstik modeliniń aıasyn keńeıtý boıynsha aldaǵy jospardy aıqyndady. «Qaryzsyz qoǵam» jobasynyń atqarýshy dırektory Oljas Ordabaev jyl basynan beri 770 myńnan asa adamnyń bereshegin retteýge qatysty naqty kómek kórsetilgenin málimdedi. Elimizdiń barlyq óńirindegi adamdar partııa fılıaldarynda qaryzdy qaıta qurylymdaý, qaryz boıynsha shekteýlerdi alyp tastaý, sot jáne sottan tys bankrottyqtar boıynsha tegin kómek ala alady. Sondaı-aq el azamattary qarjylyq saýat boıynsha oqýǵa qatysý múmkindigine ıe. Basty maqsat – bir rettik qoldaý kórsetý emes, azamattardyń tólem qabileti tolyq qalpyna kelgenge deıin súıemeldeý.
Jobalyq keńseniń óńirlik saıasat jónindegi taldaý ortalyǵynyń jetekshisi Ánýar Kerembaev «Ákimder mektebi» jobasynyń aldyn ala nátıjelerin usyndy. Búginde saılanǵan 1 800 aýyl ákimi oqýdan ótip, jyl sońyna deıin taǵy 500 ákim oqýyn aıaqtaıdy. Baǵdarlama aýyldyń ekonomıkalyq baǵytyn anyqtaýdy, ınvestısııalyq jobalardy ázirleýdi, marketıngti, sıfrlyq quraldardy paıdalanýdy jáne taǵy basqany qamtıdy. Osy bilim negizinde ákimder kooperatıvterdi damyta alady. Ony aýyl turǵyndarynyń ál-aýqatyn arttyrýǵa arnalǵan «Aýyl amanaty» jobasy aıasynda qarjylandyrýǵa bolady. Búginde jalpy quny 600 mlrd teńgeni quraıtyn 12,7 myń ınvestısııalyq joba irikteldi. Osy qadam 490 myń jeke qosalqy sharýashylyqty qamtýǵa jáne 111 myń jumys ornyn qurýǵa múmkindik beredi. Bul – aldaǵy úsh jylǵa arnalǵan naqty jospar. Sarapshylardyń esebine sáıkes «Aýyl amanaty» jobasy arqyly bólingen bıýdjet qarjysynyń ár teńgesi 1,24 teńge jıyntyq ekonomıkalyq tabys ákelýi múmkin. Bul qarajat óndiristiń, salyqtyń jáne aýyl turǵyndary tabysynyń ósimi túrinde qaıtady.
О́z kezeginde Kásipkerlik máseleleri jónindegi jobalyq keńse jetekshisi Nurlan Saqýov partııanyń úılestirý keńesiniń jumysyna toqtaldy. Búginde atalǵan keńes mıkro jáne shaǵyn bıznespen ózara baılanystyń jańa arnasyna aınaldy. Keńes kásipkerlerdiń ózekti máselelerin jınaýǵa, júıeleýge jáne ony sheshý joldaryn tabýǵa múmkindik beredi. Sondaı-aq jasandy ıntellekt elementteri bar sıfrlyq platforma qurý josparlanyp otyr. Sol arqyly kásipkerler óz ótinishin joldap, tıisti keńes alyp, olardyń sheshimin qadaǵalaı alady. Osy derekter negizinde iskerlik ahýal ındeksi qalyptastyrylady. Bul qadam problemalardy jedel anyqtaýǵa jáne ony sheshýge tıisti usynystar engizýge múmkindik beredi.
Sondaı-aq partııa tóraǵasy «Qaryzsyz qoǵam» jobasynyń call-ortalyǵynyń jumysymen tanysty. Munda kún saıyn elimizdiń túkpir-túkpirinde nesıe máselesine, sot daýyna nemese qarjylyq qıyndyqtarǵa tap bolǵan azamattar 4 myńǵa jýyq qońyraý shalady. Call-ortalyqta 50-ge jýyq maman jumys isteıdi. Olardyń qatarynda zańgerler, medıatorlar jáne qarjy keńesshileri bar. Olar adamdarǵa qaryzdan qutylýǵa, qujattardy daıyndaýǵa jáne máseleniń zańdy sheshimin tabýǵa kómektesedi. О́ńirlerde 180 úılestirýshiden turatyn jeli azamattarǵa jergilikti deńgeıde quqyqtyq kómek kórsetedi.
Aıta keteıik, «Qaryzsyz qoǵam» jobasyna partııanyń úılestirýimen 11 memlekettik organ jáne 12 kommersııalyq bank qatysyp jatyr. Azamattarǵa yńǵaıly bolýy úshin qogamfin.kz onlaın-platformasy ázirlendi. Saıt arqyly zańger keńesine jazylýǵa, paıdaly materıaldar men beıne sabaqtardy júktep alýǵa bolady.
