Járdemge muqtaj jandarǵa jeńildik

Áleýmettik osal top­tarǵa jata­tyn tulǵalar birjol­ǵy zeınetaqy tólemderi túrinde salyq salynatyn tabysqa standartty salyq she­gerimderin qoldanýǵa qu­qyly. Olardyń kópshiligi turǵyn úıge, emdelýge BZT alǵan kezde jeke tabys salyǵyn (JTS) birden tólegen. Sonymen qatar 2024 jylǵy 1 qańtardan bastap mundaı tulǵalardyń BZT túrindegi salyq salynatyn tabysyna standartty salyq shegerimderi (882 aı­lyq eseptik kórsetkish shegin­de) qoldanylady. Bul osy sanatqa jatatyn alýshylar BZT alǵan kúnnen bastap úsh jyl ishinde JTS qaıta esepteý men óteýdi qoldaný úshin BJZQ-ǵa tıisti ótinishpen, rastaıtyn qujattarmen júgine alatynyn bildiredi. Alaıda BZT-ny 2021–2022 jyldary alǵan adamdar ártúrli sebeptermen bul múmkindikti paıdalana almady. Endi Salyq kodeksine ózgerister men tolyqtyrýlardyń engi­zilýine baılanysty jeke tulǵalardyń osyndaı ótinish­terine belgilengen talap qoıý merzimi 3 jyldan 5 jylǵa deıin ulǵaıtyldy.

JTS qaıtarýǵa quqyǵy bar jeke tulǵalardyń tizbe­si qoldanystaǵy Salyq ko­deksinde aıqyndalǵan. Bul birinshi, ekinshi nemese úshinshi toptaǵy múgedekter, múgedek balalardyń ata-analarynyń nemese qam­qor­shylarynyń biri, bala asyrap alýshylardyń biri, jetim balalardyń asyrap alýshy ata-analary, soǵys ardagerleri, basqa sanattar. Mundaı aza­mat­tardyń tolyq tizbesi Salyq kodeksiniń 346-babynda kórsetilgen.

BZT boıynsha salyq salynatyn tabysty aıqyndaý kezinde standartty salyq shegerimderi qoldanylma­ǵan zeınetaqy tólemderin alýshylar, olardy qoldaný qu­qyǵy bolǵan jaǵdaıda, kiris­terdi qaıta esepteý, JTS óteý úshin standartty salyq shegerimderin qolda­nýǵa ótinishpen, rastaıtyn qu­jattarmen BJZQ-nyń jaqyn jerdegi fılıalyna shuǵyl túrde júginýi qajet.

Standartty salyq shegeri­mi qoldanylǵannan keıin, buǵan deıin JTS ustalǵan bolsa, ol alýshynyń jeke zeı­netaqy shotyna qaıtarylady. Eger JTS tóleý keıinge qal­dy­rylǵan bolsa, onda aı saıynǵy zeınetaqy tólem­derin alǵan kezde ony tóleýge qatysty mindetteme alynyp tastalady.

Atalǵan ózgeris 2025 jylǵy 31 jeltoqsanǵa deıin (qosa alǵanda) qoldanysta bolady, sebebi 2026 jylǵy 1 qań­tardan bastap jańa Salyq kodeksi kúshine enedi.