Infografıkany jasaǵan – Záýresh SMAǴUL ,«EQ»
Ortalyqtyń quramynda 1700-den astam IT-kompanııa bar, sonyń ishinde 450-i – sheteldik. «Astana Hub» basqarýshy dırektory Tańat О́skembaevtyń aıtýynsha, Prezıdent tapsyrmasyn oryndaý úshin olar úsh negizgi baǵytqa basymdyq berip otyr.
– Bizdiń birinshi baǵytymyz – talanttardy qoldaý. Memleket basshysynyń tapsyrmasyna sáıkes, Astanada bıyl «Alem.ai» halyqaralyq jasandy ıntellekt ortalyǵy ashylady. Bul ortalyqta «Tomorrow School» jasandy ıntellekt mektebi, «TUMO» tehnologııalar ortalyǵy, startap-kampýs, R&D-zerthanalar jáne «AI-driven Government» aımaǵy ornalasady. Negizgi maqsat – elimizdi jasandy ıntellektige baǵyttalǵan memleketke aınaldyrý. «Alem.ai» ǵylym, ónerkásip, kreatıvti ındýstrııa jáne memlekettik qyzmet salalarynda jańa tehnologııalardy damytýǵa serpin beredi. Jyl saıyn 10 myńǵa jýyq daryndy mamandy tartý, 1000-nan astam JI mamanyn daıarlaý, 100-ge jýyq startap iske qosý jáne keminde 10 ǵylymı zertteý júrgizý josparlanǵan. Bul elimizdiń JI sheshimderin eksporttaýǵa, eldiń tehnologııalyq jáne ekonomıkalyq damýyna jańa serpin berýge, Astanany Ortalyq Azııadaǵy jasandy ıntellekt tehnologııalarynyń ortalyǵyna aınaldyrýǵa jol ashady. Ekinshi baǵyt startaptardy qoldaý. «Astana Hub» startaptarǵa ıdeıadan bastap, halyqaralyq deńgeıge deıingi joldy ótýge jaǵdaı jasaıdy. Biz komandalardy barlyq kezeńde qoldaımyz. Olarǵa salyqtyq jeńildikter, bilim berý men akselerasııalyq baǵdarlamalarǵa qatysý, halyqaralyq naryqqa shyǵý, ınvestorlar men myqty IT-qaýymdastyqqa qol jetkizý múmkindigin beremiz, – deıdi ol.
Qazirgi ýaqytta «Astana Hub»-ta birneshe baǵdarlama iske asyp jatyr:
- «Silkway Accelerator» – «Google for Startups»-pen birge júzege asady. 1300-den astam ótinimniń ishinen 62 startap tańdalyp, qatysyp jatyr;
- «Hero Training» – Kremnıı alqabynda «Draper University»-men seriktestikte ótedi. 2023 jyldan beri 37 startap qatysty, olardyń biri «CITIX» Tım Dreıperden $1 mln ınvestısııa tartqan;
- «Startup Garage» – 786 jobany bastapqy kezeńde qoldady, olardyń 259-y oqý baǵdarlamasyn sátti aıaqtap, túlekterdiń jalpy satylym kólemi 495 mln teńgege jetti;
- «AI’preneurs» – jasandy ıntellektige arnalǵan flagmandyq baǵdarlama. 2024 jyldan beri 612 ótinim qabyldanyp, alǵashqy legindegi startaptar $350 000 astam ınvestısııa tartty.
Sonymen qatar «Astana Hub» pen «Silkroad Innovation Hub» Jasandy ıntellekt jáne sıfrlyq damý mınıstrligi, Dúnıejúzilik bank jáne «FPIP» jobasynyń qoldaýymen «AlchemistX & Silicon Valley Residency Program» baǵdarlamasyn iske qosty.
– Bul 5 aılyq qarqyndy joba Kremnıı alqabynda ótip, startaptarǵa AQSh naryǵyna shyǵýǵa kómektesedi. Alǵashqy kelisimsharttar jasaýǵa, ınvestısııa tartýǵa, mentorlyq qoldaýǵa, zertteýler júrgizýge, sondaı-aq turǵyn úı men halyqaralyq qaýymdastyqqa qol jetkizýge múmkindik beredi. Budan bólek, Qazaqstan AQSh-ta («SilkRoad Innovation Hub», Palo Alto), Ulybrıtanııada (London – «Eurasian Hub»), BAÁ-de (Dýbaı – «Tumar Innovation Hub»), Qytaıda (Shanhaı – «Khan-Tengri Innovation Hub») jáne Saýd Arabııasynda (Er-Rııad – «Al-Farabi Innovation Hub») halyqaralyq ortalyqtar ashyp, sıfrlyq qyzmetter eksportyn qoldap, Ortalyq Azııany jahandyq ekonomıkaǵa ıntegrasııalap jatyr, – deıdi T.О́skenbaev.
«Astana Hub»-tyń úshinshi baǵyty – startaptardy naqty salaǵa engizip, búkil qoǵam úshin tıimdi sheshim usyný. Osy rette «Astana Hub» arnaıy tehnologııalyq tapsyrmalar platformasyn iske qosqan. Munda kompanııalar, jer qoınaýyn paıdalanýshylar jáne memlekettik organdar ózderine qajetti tehnologııalyq sheshimderdi jarııalaıdy. Olardy startaptar, IT-kompanııalar, akkredıttelgen ǵylymı uıymdar jáne jobalyq komandalar júzege asyra alady. Qazirde taý-metallýrgııa kesheni sektoryndaǵy iri kompanııalar óndiris úderisterin sıfrlandyrý men Indýstrııa 4.0 elementterin engizýge qatysty talap etiletin mindetterin osy alańda jarııalap otyr.
– «Astana Innovations Accelerator» baǵdarlamasy qala turǵyndarynyń ómir sapasyn arttyrýǵa baǵyttalǵan sheshimder ázirleıdi. Jobalar synaqtan ótip, megapolıske beıimdeledi. Búginde otandyq startaptar Ortalyq Azııa, Taıaý Shyǵys, Eýropa naryǵyna shyǵyp jatyr. «Astana Hub» halyqaralyq deńgeıde tanymal brendke aınaldy. Eń bastysy, memlekettik qyzmetterdi avtomattandyryp, jasandy ıntellektini engizip, óndiris tıimdiligin arttyryp el ishinde sıfrlyq ekonomıkanyń damýyna úles qosyp jatyr. Memleket, bıznes jáne tehnologııalyq qaýymdastyq birigip jumys istese, elimiz tolyqqandy sıfrlyq ultqa aınalý maqsatyna jetetinine senimdimiz. «Astana Hub» osy úderistiń negizgi draıveri bolyp qala bermek, – deıdi ortalyq dırektory.
Jalpy, búginde jasandy ıntellekt memleketterdiń tehnologııalyq jáne ekonomıkalyq damýynyń basty faktory bolyp otyr. Elimiz de osy baǵytta jańa býyn mamandaryn daıarlap, jasandy ıntellekt tehnologııalaryn negizgi salalarǵa engizip, otandyq jobalardy jahandyq naryqqa shyǵarýǵa belsene kiristi.
