Jerlesterimiz myna sport túrleri boıynsha medal enshiledi: dzıýdo – 14 (4 altyn+5 kúmis+2 qola), boks – 10 (5+3+2 qola), jeńil atletıka – 10 (1+2+7), djıý-djıtsý – 10 (1+5+4), aýyr atletıka 9 (3+4+2), aralas jekpe-jek – 9 (2+3+4), kúres túrleri – 9 (1+2+6), taekvondo 5 (2+2+1), mýaı-taı – 5 (1+0+4), júzý – 4 (1+1+2), velosport 3 (2+1+0), jaǵajaı voleıboly – 2 (1+0+1), trıatlon – 1 (0+1+0), gandbol – 1 (0+0+1), penchak sılat – 1 (0+0+1).
Jalpy esepte Qytaı quramasy aldyna jan salmady – 147 (63+49+35). Ekinshi orynda – О́zbekstan (37+16+28). Alǵashqy bestikti Iran 76 (22+18+36) men Taıland 48 (15+15+18) túıindedi. Sondaı-aq Úndistan 78 (13+18+17), Gonkong 36 (13+13+10), BAÁ 31 (12+9+10), Soltústik Koreıa 15 (8+5+2), Taıpeı 40 (7+9+24) TOP-10 komandanyń qataryna qosyldy. Jarysta barlyǵy 31 memlekettiń ánurany shyrqalyp, 39 eldiń týy bıikte jelbiredi.
Osyǵan deıin jasóspirimder arasyndaǵy Azııa oıyndarynyń alaýy eki ret tutandy. Elimizdiń quramasy 2009 jyly Sıngapýrde 14 (4+6+4) júlde jeńip alyp, jalpykomandalyq esepte 8-satyǵa jaıǵasty. 2013 jyly Nanjınde (Qytaı) 13 (1+4+8) medal oljalap, 13-oryndy qanaǵat tutty. Bul joly quramanyń 93 jas óreni jeńis tuǵyryna kóterilip, úzdik úsh komandanyń qatarynan kórindi.
