Belarýs Respýblıkasynyń úkimettik delegasııasy Qazaqstandaǵy sıfrlyq ındýstrııanyń damýy, ınnovasııalyq startaptar jáne GovTech sheshimderimen tanysty.
Prezıdent Qasym-Jomart Toqaevtyń sıfrlyq memleketti jedel damytý jáne ekonomıkanyń barlyq salasyna ınnovasııalyq tehnologııalardy engizý jóninde qoıǵan mindeti sheńberinde Úkimet júıeli jumystar júrgizýde. Búgingi tańda Qazaqstan BUU-nyń onlaın qyzmetter ındeksi boıynsha álemde 10-shy, al TMD-da 1-orynda, sondaı-aq jahandyq elektrondyq úkimetti damytý ındeksinde 24-orynda tur. Elimizdegi memlekettik qyzmetterdiń 90%-dan astamy azamattarǵa onlaın rejimde kórsetiledi.
Innovasııalar úshin tartymdy ortalyqqa aınalǵan Astana Hub alańynda delegasııa jasandy ıntellektini paıdalaný arqyly túrli salalarda júzege asyrylatyn otandyq startaptarmen tanysty. Olar – eresekter men balalardyń qaýipsizdigin qamtamasyz etýde – Aman, sporttyq analıtıkany damytýda – Mirai Tech, pılotsyz ushý tehnologııasyn ázirleýde aDrone.kz jobalary. Sondaı-aq bilim berýde TrustExam jáne Codiplay, densaýlyq saqtaýda Ascle jáne basqa da salalarda qoldanylatyn JI-startaptar usynylǵan. 2024 jyly Qazaqstandaǵy IT-qyzmetteriniń eksporty 20%-dan astam ósim kórsetip, 880 mln dollardan asty.
Peer-to-peer ınnovasııalyq oqytý júıesi qoldanylatyn Tomorrow mektebine barǵan kezde Qazaqstannyń joǵary bilikti IT mamandardy daıarlaý boıynsha júrgizip jatqan jumystaryna nazar aýdartyldy. Jalpy, Qazaqstanda 500 myńǵa jýyq azamat jasandy ıntellekt negizderin oqyp jatyr.
Odan bólek, Belarýs Premer-mınıstrine Sıfrlyq keńseniń qyzmeti jáne Egov Mobile, Egov Business, Smart Data Ukimet, JI-ge negizdelgen ulttyq platforma men taǵy da basqalardyń tehnologııalyq múmkindikteri tanystyryldy. Olar – halyq pen bıznestiń yńǵaılylyǵyna, sondaı-aq memlekettik organdar jumysynyń tıimdiligine baǵyttalǵan.
