Foto; Vıdeodan alynǵan kadr
AQSh-tyń Azamattyq avıasııa federaldyq basqarmasy (FAA) men Aviation Safety Network agenttiginiń málimetinshe, UPS kompanııasynyń 2 976 nómirli reısi Gonolýlýǵa bet alǵan. Ushaq bortynda bolǵan úsh ekıpaj múshesiniń barlyǵy qaza tapqan.
Aldyn ala derekter boıynsha, ushaq qulaǵan kezde áýejaı mańyndaǵy birneshe ǵımaratqa soǵylyp, jerdegi tórt adam mert bolǵan. Taǵy on bir adam aýyr jaraqat alyp, aýrýhanaǵa jetkizilgen.
Kýágerler apat kezinde qýatty jarylys pen aspanǵa kóterilgen qoıý qara tútindi baıqaǵandaryn aıtqan. Jergilikti bılik áýejaı mańynda tótenshe jaǵdaı jarııalap, 8 shaqyrymdyq aýmaqta turǵyndarǵa shelter-in-place (ornynda qalý) rejımin engizdi. Bul sheshim ýly tútinniń taralý qaýpine baılanysty qabyldanǵan.
UPS Airlines kompanııasy apat faktisin rastady jáne AQSh-tyń Ulttyq kólik qaýipsizdigi keńesimen (NTSB) birlesip, apattyń sebepterin anyqtaý jumystaryn júrgizip jatqanyn málimdedi.
Aldyn ala boljam boıynsha, ushaqtyń bir qozǵaltqyshy áýege kóterilgennen keıin isten shyqqan bolýy múmkin.
