Foto: Ashyq derekkóz
Endi el azamattary avtokólikti lızıng arqyly rásimdep, ony belgili bir merzim paıdalanǵannan keıin tolyqtaı satyp alý nemese kompanııaǵa qaıtaryp berý múmkindigine ıe bolady.
Depýtattyń aıtýynsha, jańa baǵdarlama qoldanystaǵy jeńildetilgen avtonesıeleý júıesin tolyqtyryp, halyqqa qosymsha múmkindik beredi.
«Kólik satyp alýdaǵy qarjylyq qıyndyqtar kópshilikke tanys. Barlyǵynda birdeı qymbat nesıe alýǵa nemese alǵashqy jarna úshin uzaq jyldar boıy aqsha jınaýǵa múmkindik joq», dedi Oljas Quspekov.
Lızıng degen ne?
Avtolızıng – bul uzaq merzimdi jaldaý túri. Iаǵnı azamat belgili bir merzimge (ádette 2 jyldan 5 jylǵa deıin) kólikti paıdalaný quqyǵyna ıe bolady jáne aı saıyn tólem jasap otyrady. Bul kezeńde avtokólik lızıngtik kompanııanyń menshiginde qalady.
Merzim aıaqtalǵan soń tutynýshy kólikti kompanııaǵa qaıtaryp bere alady, qaldyq quny boıynsha tolyqtaı satyp ala alady nemese jańa shart jasap, basqa avtokólik alýǵa múmkindik alady.
Jalpy, avtolızıng – satyp alý men jalǵa alý arasyndaǵy aralyq nusqa. Tutynýshy kóliktiń tolyq qunyn emes, tek ony paıdalaný merzimine jáne qunynyń azaıýyna baılanysty tólem jasaıdy.
