Májilistegi brıfıngte jýrnalıster bul fýnksııa qazir tek bir ǵana banktiń qosymshasynda bar ekenin atap ótti. Onda paıdalanýshy aqshany kim jibergenin bilmegen jaǵdaıda nemese belgili adamnan qarajat alǵysy kelmese, bir batyrmany basý arqyly aýdarymdy qaıtara alady.
«Bul – óte jaqsy bastama. Biz mundaı múmkindik barlyq bankterde iske asyrylyp, ony banktik erejelerde mindetti talap retinde bekitýdi usynamyz», dedi Mádına Ábilqasymova.
Agenttik basshysynyń aıtýynsha, mundaı shara «dropperler» dep atalatyn óz shottaryn zańsyz operasııalar úshin paıdalanýǵa beretin tulǵalarmen kúrestiń bir bóligi sanalady. Sonymen qatar, bul tásil esirtki saýdasy men aqsha jylystatý arnalaryn jabýǵa baǵyttalǵan.
Ábilqasymovanyń sózinshe, mehanızmdi tolyq engizý birneshe aıǵa sozylýy múmkin.
«Agenttik Qarjy monıtorıngi agenttigimen birlesip, qarjy sektorynyń ashyqtyǵyn arttyrýǵa baǵyttalǵan jańa talaptardy turaqty túrde engizip keledi», dedi ol.
Sońǵy jańashyldyqtardyń qatarynda banktik kartalardyń sanyn shekteý, tekserý rásimderin qatańdatý jáne esepshottardy zańsyz maqsatta paıdalaný úshin qylmystyq ári ákimshilik jaýapkershilik engizý bar.
