foto: theguardian.com
«2025 jylǵy 06 qarasha saǵat 06:00-den bastap Aqmola oblysynda aýa raıynyń nasharlaýyna baılanysty respýblıkalyq mańyzy bar «KAZ02 Astana – Kókshetaý (aınalma jol) – Petropavl – RF shekarasy (Jańa Jol ótkizý pýnkti)» avtojolynyń 19–231 shaqyrym aralyǵynda kóliktiń barlyq túrleri úshin jyldamdyq shekteýi 110 km/saǵ-tan 80 km/saǵ-qa deıin tómendetiledi», delingen habarlamada.
Jyldamdyqty qalpyna keltirý 6 qarasha kúni saǵat 15:00-de, aýa raıy turaqtalyp, jol qozǵalysy qaýipsiz bolǵan jaǵdaıda josparlanyp otyr.
Sonymen qatar qazaqstandyq júrgizýshilerge birneshe oblystaǵy qolaısyz aýa raıy týraly eskertildi.
«6 qarashada Aqmola, Shyǵys Qazaqstan, Soltústik Qazaqstan, Qaraǵandy, Qostanaı jáne Pavlodar oblystarynda, sondaı-aq Abaı jáne Jetisý óńirleriniń keı jerlerde jańbyr aralas qar jáne qar jaýýy kútiledi», delingen habarlamada.
Osyǵan baılanysty júrgizýshilerge jyldamdyq rejımin jáne joldaǵy qaýipsizdik erejelerin saqtap, aýa raıynyń nasharlaýyn eskerip júrý usynylady.
