Kezdesýdiń basty taqyryby – óńirde klımattyq turaqtylyqty qamtamasyz etýdegi, sý qaýipsizdigi men energetıkalyq kóshýdi ilgeriletýdegi áıelderdiń róli boldy.
Qazaqstan atynan forýmǵa QR Energetıka mınıstrligi jańartylatyn energııa kózderi departamentiniń bas sarapshysy Aınara Aıdynqyzy qatysty. О́z sózinde ol energetıka salasyndaǵy áıelderdiń kásibı qaýymdastyǵyn nyǵaıtýǵa baǵyttalǵan jumystardy atap ótti.
Atap aıtqanda, Qazaq Green janyndaǵy Ádiletti energetıkalyq kóshý jónindegi áıelder komıteti men KazEnergy janyndaǵy Áıelder energetıkalyq klýbynyń bastamalary kóshbasshylyqty damytýǵa, tájirıbe almasýǵa jáne kásibı ósimge yqpal etetinin aıtty.
Qazaqstan energetıkalyq kóshý úderisine áıelderdi keńinen tartý; kásibı damý men mansaptyq ósim úshin múmkindik jasaý; óńiraralyq dıalog pen yntymaqtastyqty keńeıtý baǵyttaryna basymdyq beredi.
«Qazaqstan 2030 jylǵa qaraı JEK úlesin 15%-ǵa, al 2050 jylǵa qaraı balamaly kózderdi qosa alǵanda – 50%-ǵa jetkizýdi maqsat etip otyr», delingen Energetıka mınıstrlginiń habarlamasynda.
Qazirgi tańda JEK sektorynda shamamen 2000 maman jumys isteıdi, onyń ishinde áıelderdiń úlesi turaqty túrde ósip keledi. Bul úrdisti jalǵastyrý úshin áıelderdiń strategııalyq josparlaýǵa, jobalardy basqarýǵa jáne sheshim qabyldaýǵa belsendi qatysýyna jaǵdaı jasaý mańyzdy
