Oqý-aǵartý mınıstri Juldyz Súleımenovanyń qatysýymen bilim berý salasynyń kún tártibindegi ózekti máseleler boıynsha jınalys ótti. Jıynda sóz alǵan mınıstr bilim berý uıymdaryndaǵy sapa máselesine toqtalyp, «Maqsatty mektep» jobasynyń jalǵastyrylmaıtynyn málimdedi.
Eske sala ketsek, «Maqsatty mektep» jobasy pedagogterdiń kásibı sheberligin arttyrýǵa, olardyń zamanaýı pedagogıkalyq ádisterdi meńgerýine jáne bilim berý sapasyn jaqsartýǵa baǵyttalǵan. Joba aıasynda muǵalimder úshin arnaıy trenıng, semınar jáne tájirıbe almasý platformalary uıymdastyryldy.
Bilim salasynyń qyzmketkerleri buǵan qarsy shyǵyp, myńnan asa adam qol qoıyp, ashyq hat joldaǵan edi. Hatta: «Maqsatty mektep» jobasynyń jumysy materıaldyq-tehnıkalyq jaraqtandyrýdan emes, muǵalimderdi onlaın oqytýdan bastaldy. Muǵalimder tamyz aıynan beri bes modýldik onlaın oqýdan ótti. Ár modýl saıyn kóptegen onlaın test tapsyrdy. Test suraqtarynyń basym bóligi psıhologııalyq, metodıkalyq suraqtardan turady. Pánge arnalǵan suraqtardyń ózi de qatege toly. Endi zańdy saýal, muǵalimder bala oqyta ma, álde onlaın oqyp, kún saıyn test tapsyra ma?», delingen.
