Kompanııanyń habarlaýynsha, aldaǵy merekelik kezeńde bıletter baǵasy ózgerissiz qalady, alaıda jolaýshylardy qamtamasyz etý úshin qosymsha vagondar qosylady. Bul ásirese suranysy joǵary Astana - Almaty; Astana - Shymkent, Aqtóbe - Astana baǵyttaryna qatysty.
Buǵan deıin «Jolaýshylar tasymaly» AQ shveısarııalyq Stadler kompanııasymen ártúrli úlgidegi 557 jańa vagon jetkizý týraly kelisim jasaǵan. Olardyń ishinde kýpe jáne plaskart vagondary, erekshe qajettilikteri bar jolaýshylarǵa arnalǵan beıimdelgen vagondar, sondaı-aq generatorly vagondar bar.
Jańa býyndaǵy poıyzdar 2026 jyldyń qańtarynan bastap turaqty baǵyttarǵa shyǵarylady. Zamanaýı vagondarda kondısıonerler, beınebaqylaý, órt sóndirý júıesi, ár orynǵa arnalǵan rozetkalar men USB-uıashyqtar ornatylady.
Kompanııanyń málimetinshe, jańa vagondardyń iske qosylýy bılet baǵasyna áser etpeıdi.
«Jolaýshylar úshin jol aqysy bekitilgen tarıf sheginde saqtalady jáne jańa vagondardyń engizilýine baılanysty qymbattamaıdy», dep habarlady «Jolaýshylar tasymaly» AQ.
