Keshe keshkilik Pavlodar qalasynda qurylys alańynda — ákimshilik ǵımaratty jeke mektepke beıimdeý maqsatyndaǵy qaıta jańartý jumystary kezinde tóbe jabyndysy qulaǵan. Úıindi astynda 1967 jyly týǵan er adam qalyp qoıǵan.
Oqıǵa ornyna jedel túrde Pavlodar oblysy tótenshe jaǵdaılar departamentiniń 20 qyzmetkeri men 6 arnaıy tehnıka jumyldyryldy. Avarııalyq-qutqarý jumystaryn júrgizý úshin teplovızormen jabdyqtalǵan ushqyshsyz ushý apparaty jáne kınologtar brıgadasy jumys istedi.
Búgin tańerteń saǵat tórtterde qutqarýshylar úıindi astynda qalǵan er adamnyń jatqan jerin anyqtaǵan. О́kinishke qaraı, ony aman alyp qalý múmkin bolmaǵan.
- Memlekettik organdar tarapynan marqumnyń otbasyna jan-jaqty qoldaý men qajetti kómek kórsetiletin bolady. Sondaı-aq Pavlodar qalasynyń ákimdigi marqumnyń otbasyna qurylys nysanynda jumys júrgizgen merdiger uıym men tapsyrys berýshi - jeke kásipker tarapynan kómek kórsetilýin baqylaýǵa alady.
Atalǵan oqıǵa boıynsha polısııa «Qurylys jumystaryn júrgizý kezinde qaýipsizdik erejelerin buzý» baby boıynsha Qylmystyq kodekske sáıkes is qozǵady.
Qazirgi tańda oqıǵanyń barlyq mán-jaıyn anyqtaý maqsatynda tergeý amaldary júrgizilýde, - dep habarlady Pavlodar oblysy ákiminiń baspasóz qyzmetinen.
Pavlodar oblysy
