Aýqymdy sharaǵa polısııa qyzmetkerlerimen qatar, Ulttyq ulan men Qorǵanys mınıstrliginiń ókilderi de tartyldy. Izdeý jáne baqylaý jumystaryna tikushaqtar, drondar jáne spýtnıktik koordınatalar paıdalanylǵan.
Operasııa qorytyndysy boıynsha:
- 3,5 myńnan astam esirtkige qatysty quqyq buzýshylyq tirkeldi;
- 27 tonnadan astam túrli esirtki zaty tárkilendi;
- Quramynda esirtki bar 110 myńnan astam buta joıyldy;
- 4 uıymdasqan qylmystyq top, onyń ishinde bir transulttyq top áshkerelendi;
- 6 esirtki zerthanasy joıyldy;
- Esirtki jetkizýdiń 50 ishki arnasy jabyldy.
О́ńirler boıynsha da birqatar derekter anyqtaldy. Máselen, Jambyl oblysynda 200 keliden astam marıhýana tárkilense, Jezqazǵanda 100 kelige jýyq esirtki zaty tabyldy. Almaty áýejaıynda Úndistan azamaty ustalyp, onyń elge 3 keli marıhýanany zańsyz ákelmek bolǵany belgili boldy. Al Qyzylorda oblysynda salmaǵy 300 kelini quraıtyn 928 túp qarasora anyqtaldy.
Mınıstrlik atap ótkendeı, «Qarasora-2025» operasııasy – «Zań men tártip» qaǵıdaty aıasynda júzege asqan júıeli jumystyń bir bóligi. Esirtki qylmysyna qarsy is-qımyl komıteti aldaǵy ýaqytta da azamattardyń densaýlyǵyn qorǵaý men qoǵamdyq qaýipsizdikti qamtamasyz etý baǵytyndaǵy sharalardy kúsheıtýdi jalǵastyrady.
IIM ókilderi esirtki jolyna túsken árbir adam zań aldynda jaýap berýden qashyp qutyla almaıtynyn eskertedi.
