Jeńimpazdy anyqtaý barysynda alqa músheleri alty saǵat boıy talqylaǵan. Sońynda, barlyq qatysýshylardyń biraýyz sheshimimen «Tán» romany úzdik dep tanylǵan.
«Bizdi ózine baýrap alǵan, ózge týyndylardyń arasynan daralanǵan shyǵarma – dál osy roman boldy. Mundaı kitapty buryn eshqashan oqymaǵan edik» degen baǵa berdi Roddı Doıl.
51 jastaǵy jazýshy Devıd Salaıǵa syılyqty ótken jylǵy laýreat Samanta Harvı 10 qarasha kúni Londonda ótken saltanatty rásimde tabys etti. Marapat alyp turyp Salaı oqyrmandaryna bylaı dedi: «Bul roman arqyly biz táýekelge bardyq. Sol táýekeldiń jasalǵany men úshin asa mańyzdy».
Bıylǵy jyldyń naýryz aıynda jaryq kórgen «Tán» romany – avtordyń altynshy kitaby. Shyǵarmada Ishtvan esimdi vengr azamattyń balalyq shaǵynan bastap, ómiriniń sońǵy kezeńderine deıingi jalǵyzdyq pen ishki kúızelis joly sýretteledi. Kitaptyń tili mınımalıstik ári jeńil, al basty keıipker – únsizdigi, jumbaq bolmysymen erekshelenedi.
