Foto: pinterest.com
Vıse-mınıstr kontrafaktilik ónimderdiń aınalymyna jol bermeý úshin 2024 jyldyń shildesinen bastap dárilik zattardy tańbalaý, qadaǵalaý júıesi engizilgenin aıta kele:
«Tańbalaý júrgizý barysynda bólshek dárihanalarda tegin dárilik preparattardy satý faktileri anyqtaldy. Anyqtalǵan derekter boıynsha Medısınalyq jáne farmasevtıkalyq baqylaý komıteti Bas prokýratýramen birlesip jospardan tys tekserýlerdi bastady. Bul talaptardy buzǵan sýbektilerge qatysty qatań sharalar qabyldanady», dedi.
Mınıstrlik búginde dárilik zattar naryǵynyń barlyq qatysýshysy tańbalaý júıesine qosylǵanyn jáne bul baqylaý, retteý tıimdiligin kóterýge múmkindik berip otyrǵanyn aıtady. Sondaı-aq qolǵa alynǵan sharalar salyq túsimderiniń ósýine oń áser etken. 2025 jyly farmasevtıkalyq sektordan túsken salyqtar 24%-ǵa ósip, bıýdjetke qosymsha 24 mlrd teńge túsken.
Densaýlyq saqtaý mınıstrligi aldaǵy ýaqytta bıologııalyq belsendi qospalardy da tańbalaý júıesin engizip, jeltoqsan aıynda medısınalyq buıymdarǵa arnalǵan qanatqaqty jobany bastaýdy josparlap otyr.
Buǵan deıin Tımýr Muratov ambýlatorııalyq dári-dármekpen qamtamasyz etýge arnalǵan bıýdjet qarjylandyrýynyń 2020 jyldan 2025 jylǵa deıin 48%-ǵa ósip, 115 mlrd teńgeden 262 mlrd teńgege deıin artqanyn málimdegen bolatyn.
